Vík ses. - Bygging íbúðakjarna fyrir fatlaða

Norðurþing sótti um framlag til Húsnæðis- og mannvirkjastofnunar um framlag til byggingar íbúðakjarna fyrir fatlaða sem hefur verið samþykkt. Ákveðið var að fara í alútboð á verkefninu og barst eitt tilboð í byggingu íbúðakjarnans sem nú liggur fyrir byggðarráði til yfirferðar. Fyrir liggur að taka ákvörðun um framhald málsins m.t.t. þess ramma sem verkefninu var skapað og tilboðsins sem barst í uppbyggingu hússins.

Lagt fram til kynningar.

Á 341. fundi byggðaráðs var eftirfarandi bókað : Byggðarráð felur sveitarstjóra, fyrir hönd Víkur hses., að ganga til samninga við tilboðsgjafa á grunni þess tilboðs sem barst. Heildartilboðsfjárhæð í íbúðakjarna fyrir fatlaða með VSK hljóðaði upp á 178.311.750 krónur.
Byggðarráð vísar verkefninu til kynningar í skipulags- og framkvæmdaráði og fjölskylduráði.

Eitt tilboð barst í tengslum við útboðsferli vegna byggingar kjarnasambýlis sem fyrirhugað er að reisa að Stóragarði 12. Tilboð frá Trésmiðjunni Rein ehf. er til kynningar fyrir skipulags- og framkvæmdaráð.

Farið yfir stöðu verkefnisins og næstu skref. Stjórn Vík hses mun funda á næstu dögum og taka formlega afstöðu til tilboðs Trésmiðjunnar Reinar um byggingu íbúðakjarnans, sem fyrirhugað er að rísi við Stóragarð 12.