Úttekt á Slökkviliði Norðurþings

Fyrir sveitarstjórn liggur skýrsla frá Húsnæðis- og mannvirkjastofnun (HMS) um úttekt á Slökkviliði Norðurþings 2021. HMS leggur til við sveitarstjórn að ráðist verði í nauðsynlegar úrbætur og er þess óskað að HMS berist svar frá sveitarstjórn með áætlun um úrbætur við athugasemdum stofnunarinnar.

Fyrir liggur skýrsla frá Húsnæðis- og mannvirkjastofnun um úttekt á Slökkviliði Norðurþings 2021. Skýrslan var lögð fram á 116. fundi sveitarstjórnar og þar var bókað;
Helena leggur til að byggðarráð fái skýrsluna til umfjöllunar og vinni að úrbótum.
Tillaga Helenu er samþykkt samhljóða.

Á 374. fundi byggðarráðs var tekin fyrir skýrsla Húsnæðis- og mannvirkjastofnunnar vegna úttektar á Slökkviliði Norðurþings 2021.

Á fundinum var bókað;
Byggðarráð felur sveitarstjóra að leggja mat á kostnað við þau atriði sem HMS hefur metið að þarfnist úrbóta, forgangsraða þeim og leggja fyrir ráðið að nýju.
Jafnframt felur byggðarráð sveitarstjóra að tryggja að bætt verði úr eftirfarandi: brunavarnaáætlun verði birt á vef sveitarfélagsins, brunaeftirlitsáætlun lögð fram fyrir 2021 og 2022, komið verði á skipulegum æfingum Slökkviliðs Norðurþings á ný, sem og heilsufarsskoðun liðsins.

Á 374. fundi byggðarráðs var tekin fyrir skýrsla Húsnæðis- og mannvirkjastofnunnar vegna úttektar á Slökkviliði Norðurþings 2021. Á fundinum var bókað; Byggðarráð felur sveitarstjóra að leggja mat á kostnað við þau atriði sem HMS hefur metið að þarfnist úrbóta, forgangsraða þeim og leggja fyrir ráðið að nýju. Jafnframt felur byggðarráð sveitarstjóra að tryggja að bætt verði úr eftirfarandi: brunavarnaáætlun verði birt á vef sveitarfélagsins, brunaeftirlitsáætlun lögð fram fyrir 2021 og 2022, komið verði á skipulegum æfingum Slökkviliðs Norðurþings á ný, sem og heilsufarsskoðun liðsins.

Í janúar lagði sveitarstjóri fram minnisblað vegna athugasemdanna og við hverju hafði þá þegar verið brugðist.

Með fundarboði fylgir staðan á forgangsröðun úrbóta í byrjun október 2022 ásamt minnisblaði um þau verkefni sem enn á eftir að bregðast við.

Fyrir byggðarráði liggur erindi frá Húsnæðis- og mannvirkjastofnun dagsett 10. nóvember 2022, ósk um nánari upplýsingar vegna athugasemdar sem gerð var við úttekt og hver fyrirhuguð áform sveitarfélagsins eru varðandi nauðsynlegar úrbætur.