Frístund - Beiðni um viðauka við fjárhagsáætlun

Við umfjöllun fjölskylduráðs um mál 202206131 - Starfsemi Frístundar 2022-2021 var Fræðslufulltrúa falið að útbúa beiðni um viðauka vegna aukins kostnaðar við laun í Frístund og leggja fyrir ráðið að nýju.
Fræðslufulltrúi leggur nú fram beiðni skólastjóra Borgarhólsskóla um viðauka við fjárhagsáætlun Frístundar 2022.

Á 123. fundi fjölskylduráðs 9. ágúst 2022, var eftirfarandi bókað: Fjölskylduráð þakkar skólastjóra Borgarhólsskóla fyrir komuna. Fjölskylduráð samþykkir framlagða viðaukabeiðni vegna fjölgunar stöðugilda í frístund fyrir 1.-4. bekk á haustmisseri.
Ráðið óskar eftir því við byggðarráð að viðauki uppá á 4.500.000 kr. verði samþykktur.

Á 403. fundi byggðarráðs var eftirfarandi bókað:

Byggðarráð samþykkir fyrirliggjandi viðauka að upphæð 4.500.000 kr. og vísar honum til staðfestingar í sveitarstjórn.