Framkvæmdir & fjárfestingar á höfnum Norðurþings

Stjórn hafnasjóðs Norðurþings samþykkir að óska formlega eftir því við siglingasvið Vegagerðarinnar að farið verði í útboð á dráttarbát fyrir Hafnasjóð Norðurþings sem fyrst og felur Hafnastjóra að útbúa erindi þar um og senda á Vegagerðina.
Stjórn Hafnasjóðs Norðurþings samþykkir þær breytingar sem gerðar voru á framkvæmda- og fjárfestingaráætlun hafnasjóðs og þær fjárfestingar sem farið var í á árinu 2022 og lágu fyrir samkvæmt langtíma áætlun.

Hafnastjóri fór yfir hugmyndir um uppsetningu á flotbryggjum á Norðurfyllingu til að mæta aukinni umferð þjónustubáta skemmtiferðaskipa og skútuumferðar á komandi árum og létta þar með á umferð í innri höfn. Einnig er þörf á að bæta við færanlegum hafnarverndargirðingum til umferðarstýringar ferðamanna á hafnarsvæðum.
Stjórn Hafnasjóðs Norðurþings samþykkir að ráðast í umræddar framkvæmdir og fjárfestingar.

Stjórn Hafnasjóðs Norðurþings bendir á að huga þurfi að hönnun og frágangi á austurhluta Norðurfyllingar.

Stjórn Hafnasjóðs ítrekar fyrri bókun sína frá fundi í janúar að kaup á dráttarbát fari í útboð sem fyrst. Einnig að viðhaldsdýpkun við Norðurgarð komist til framkvæmda á næstu vikum.