Úttekt á starfsemi og framtíðarfyrirkomulag náttúrustofa til sveitarfélaga

Fyrir byggðarráði liggur til kynningar úttekt á starfsemi og framtíðarfyrirkomulagi á náttúrustofum.

Umhverfis-, orku- og loftslagsráðuneytið ásamt Sambandi íslenska sveitarfélaga hyggja á fundi með þeim sveitarfélögum sem standa að rekstri Náttúrustofa. Tilgangur fundanna er að hefja samtal um áherslur og framtíðarsýn hvað varðar samvinnu ríkis og sveitarfélaga í starfsemi náttúrustofa.

Þorkell Lindberg Þórarinsson situr fundinn undir þessum lið.

Fundur vegna Náttúrustofu Norðausturlands er fyrirhugaður þann 15. maí nk. á Húsavík.

Umhverfis-, orku- og loftslagsráðuneytið hefur ákveðið að skipa starfshóp sem falið er það hlutverk að leggja fram tillögur að framtíðarfyrirkomulagi náttúrustofa landsins.

Markmið vinnu starfshópsins er að fyrir liggi tillögur sem tryggi markvissari ráðstöfun fjármuna, auki skýrleika um verkefni sem ríkið fjármagnar, bæti fyrirsjáanleika í rekstri náttúrustofa og tryggi varðveislu og aðgengi að gögnum.