Byggðarráð Norðurþings

Fyrir byggðarráði liggur tillaga um að virkja 13. gr. c lið í viljayfirlýsingu Norðurþings við GIGA-42. Með því verði Norðurþingi heimilt innan 30 daga að gera viljayfirlýsingar við önnur gagnaversverkefni jafnframt því að viljayfirlýsing við GIGA-42 verði áfram í gildi án einkaréttarákvæðis.

Á fund byggðarráðs kl. 08:30 kom Björn Gíslason, verkefnastjóri atvinnuuppbyggingar á Bakka.

Við styrkveitingu byggðarráðs til Skógræktarfélag Húsavíkur um 500.000 kr á árinu 2026 til grisjunar óskaði ráðið eftir að fá tillögur félagsins um það hvaða svæði verði grisjuð á árinu.

Á fund byggðarráðs komu kl. 08:45 Þröstur Eysteinsson og Árni Sigurbjarnarson frá Skógræktarfélagi Húsavíkur og fóru yfir starfsáætlun félagins fyrir árið 2026, bæði hvað varðar landgræðslu og grisjun.

Fyrir byggðarráði liggur úthlutunargerð slitanefndar Héraðsnefndar Þingeyinga og tvær tillögur að skiptingu eigna.

Tillaga a felur í sér skiptingu eigna nefndarinnar annarra en fasteigna til aðildarsveitarfélaganna eftir íbúafjölda, Þingeyjarsveit kaupi fasteignir nefndarinnar. Norðurþing yfirtaki lífeyrisskuldbindingar nefndarinnar og á móti komi handbært fé.

Tillaga b felur í sér skiptingu allra eigna nefndarinnar til aðildarsveitarfélaganna eftir íbúafjölda. Norðurþing yfirtaki lífeyrisskuldbindingar nefndarinnar og á móti komi handbært fé.

Fyrir byggðarráði liggur bréf HMS frá 7. maí sl.um eftirfylgni vegna úttektar á starfsemi slökkviliðs Norðurþings sem fór fram þann 20. maí 2025.
Einnig liggur fyrir ráðinu svör slökkviliðsstjóra um úrbætur sem hafa átt sér stað á atriðum í úttektinni.

Leikfélag Húsavíkur óskar eftir stuðningi vegna ferðar í Þjóðleikhúsið þann 13. júní 2026, en sýning félagsins á Rocky Horror var valin áhugaverðasta sýning áhugaleikfélaga árið 2026.

Hópurinn telur 45 félaga á aldrinum 14 til rúmlega 70 ára og ljóst er að ferðakostnaður, gisting og fæði vegna ferðarinnar verða stórir útgjaldaliðir. Einnig er kostnaður við flutninga á efni og efniskaup.

Fyrir byggðarráði liggur ársreikningur Norðurhjara 2025 ásamt ársskýrslu félagsins fyrir sama ár.

Þekkingarnet Þingeyinga óskar eftir heimild og samþykki landeigenda vegna fyrirhugaðrar flugeldasýningar á Húsavíkurhöfða við Sjóböðin á Húsavík í tengslum við HönnunarÞing 2026, sem fram fer dagana 25. til 26. september 2026.

Umhverfis-, orku- og loftslagsráðuneytið hefur ákveðið að skipa starfshóp sem falið er það hlutverk að leggja fram tillögur að framtíðarfyrirkomulagi náttúrustofa landsins.

Markmið vinnu starfshópsins er að fyrir liggi tillögur sem tryggi markvissari ráðstöfun fjármuna, auki skýrleika um verkefni sem ríkið fjármagnar, bæti fyrirsjáanleika í rekstri náttúrustofa og tryggi varðveislu og aðgengi að gögnum.

Fyrir byggðarráði liggur boð til sveitarstjórnarfólks um að mæta á ársfund Náttúruhamfaratryggingar Íslands (NTÍ) fimmtudaginn 21. maí frá kl. 11.30 til 13.00 á Grand hótel. Hægt er sækja fundinn eða horfa á hann í streymi.

Markaðsstofa Norðurlands boðar til aðalfundar þriðjudaginn 26. maí 2026 kl. 11:30 til 12:30. Fundurinn verður haldinn á Hótel Akureyri.

Fyrir byggðarráði liggur bréf Innviðaráðuneytisins þar sem óskað er eftir umsögn sveitarfélagsins vegna endurskoðunar á byggðakvótakerfinu.

Óskað er eftir að umsögn sveitarfélagsins berist ráðuneytinu eigi síðar en 26. maí 2026.

Fyrir byggðarráði liggur yfirlit frá Húsnæðis-, mannvirkja- og skipulagsstofnun vegna stöðu húsnæðisuppbyggingar í sveitarfélaginu og verkefna sveitarstjórnar á sviði húsnæðis- og skipulagsmála, byggt á húsnæðisáætlun 2025.

Samkvæmt samantektinni metur HMS að íbúðauppbygging í Norðurþingi hafi verið meiri en ný íbúðaþörf sem myndaðist árið 2025 og sveitarfélagið hafi útvegað nægilega margar byggingarhæfar lóðir til þess að mæta íbúðaþörf næstu ára.

Fyrir liggur til kynningar umsagnarbeiðni vegna umsóknar um tækifærisleyfi frá Ingunni Ástu Egilsdóttur kt. 120963-4069 vegna kosningavöku á Naustinu Húsavík frá kl. 23:00 þann 16/5 til kl. 03:00 þann 17/5 2026, aldur frá 20 ára.

Veitt jákvæð umsögn innan tímafrests með tölvupósti til byggðarráðs.

Fyrir byggðarráði liggur ósk um umsögn vegna umsóknar um tímabundið áfengisleyfi frá Hlöðufelli Restaurant ehf. þann 30. maí kl. 23:00 til kl. 04:30 þann 31. maí 2026.

Óskað er eftir umsögn eigi síðar en 26. maí nk.

Umhverfis- og samgöngunefnd Alþingis sendir til umsagnar 595. mál - Loftslagslög.
Frestur til að senda inn umsögn er til og með 8. maí nk.

Fyrir byggðarráði liggur fundargerð stjórnar Markþings frá 5. maí sl.

Fyrir byggðarráði liggur fundargerð 247. fundar Heilbrigðisnefndar Norðurlands eystra frá 15.apríl sl.

Fyrir byggðarráði liggja fundargerð vorfundar almannavarnanefndar frá 5. maí sl. og ársreikningur ALNEY 2025.

Fyrir byggðarráði liggja fundargerðir stjórnar Sambands íslenskra sveitarfélaga, frá 997. fundi frá 17. apríl og 998. fundi frá 8. maí sl.

Fyrir byggðarráði liggur til kynningar fundargerð stjórnar SSNE frá 83. fundi þann 7. maí sl.

Fyrir byggðarráði liggur þinggerð ársþings SSNE 2026 til kynningar.

Fyrir byggðarráði liggja fundargerðir stjórnar Samtaka sjávarútvegssveitarfélaga frá 94. fundi þann 23. janúar, 95. fundi þann 20. febrúar, 96. fundi þann 3. mars og 97. fundi þann 8. apríl sl.

Fyrir byggðarráði liggja fundargerðir stjórnar Samtaka orkusveitarfélaga frá 91. fundi þann 2. mars og 92. fundi þann 10. apríl sl.

Fyrir byggðarráði liggur fundargerð stjórnar Samtaka sveitarfélaga á köldum svæðum, frá 88. fundi þann 21. janúar sl.