Erindi vegna slita Héraðsnefndar Þingeyinga

Fyrir byggðarráði liggur erindi vegna slita á Héraðsnefnd Þingeyinga.

Fyrir sveitarstjórn liggur erindi vegna slita á Héraðsnefnd Þingeyinga.

Á 463. fundi byggðarráðs var eftirfarandi bókað um málið:
Byggðarráð vísar erindinu til umfjöllunar í sveitarstjórn Norðurþings.

Fyrir byggðarráði liggur erindi frá skiptastjórn Héraðsnefndar Þingeyinga bs. sem leggur til að núverandi Náttúruverndarnefnd Þingeyinga verði lögð niður og verkefni nefndarinnar fari til sveitarfélaganna.

Fyrir byggðarráði liggur úthlutunargerð slitanefndar Héraðsnefndar Þingeyinga og tvær tillögur að skiptingu eigna.

Tillaga a felur í sér skiptingu eigna nefndarinnar annarra en fasteigna til aðildarsveitarfélaganna eftir íbúafjölda, Þingeyjarsveit kaupi fasteignir nefndarinnar. Norðurþing yfirtaki lífeyrisskuldbindingar nefndarinnar og á móti komi handbært fé.

Tillaga b felur í sér skiptingu allra eigna nefndarinnar til aðildarsveitarfélaganna eftir íbúafjölda. Norðurþing yfirtaki lífeyrisskuldbindingar nefndarinnar og á móti komi handbært fé.

Á 521. fundi byggðarráðs þann 21. maí var eftifarandi bókað:
Byggðarráð leggur til að fasteignir á Laugum gangi til Þingeyjarsveitar, Þingey jörð og lax- og silungsveiðihlunnindi skiptist eftir íbúafjölda á milli Þingeyjarsveitar, Norðurþings og Tjörneshrepps. Norðurþing taki yfir lífeyrisskuldbindingar og á móti komi handbært fé. Byggðarráð vísar málinu til afgreiðslu í sveitarstjórn.