Bréf frá Óbyggðanefnd varðandi þjóðlendumál-eyjar og sker- tilkynning frá óbyggðanefnd

Fyir byggðarráði liggur til kynningar bréf frá Óbyggðanefnd varðandi þjóðlendumál.
Fjármála- og efnahagsráðherra hefur fyrir hönd íslenska ríkisins afhent óbyggðanefnd kröfur um þjóðlendur á svæði 12 sem nefnist „eyjar og sker“ og tekur til landsvæða innan landhelginnar en utan meginlandsins.

Fjármála- og efnahagsráðherra hefur fyrir hönd íslenska ríkisins afhent óbyggðanefnd endurskoðaðar þjóðlendukröfur vegna eyja og skerja umhverfis landið.

Óbyggðanefnd kallar eftir kröfum þeirra sem kunna að eiga öndverðra hagsmuna að gæta og hefur nú framlengt kröfulýsingarfrest þeirra til 13. janúar 2025.

Þann 10. október sl. barst tölvupóstur frá Óbyggðanefnd með nýjum kröfum vegna þjóðlendumálsins eyjar og sker. Kröfulýsingarfrestur fyrir þá sem eiga öndverðra hagsmuna að gæta var framlengdur til 13. janúar 2025.

Byggðarráð tók málið fyrir á 478. fundi sínum þann 17. okt. og fól sveitarstjóra að kalla eftir kröfum þeirra sem kunna að eiga öndverðra hagsmuna að gæta.

Með fundarboði fylgir minnisblað sveitarstjóra.

Frestur til að skila inn athugasemdum í málinu er til 13. janúar nk.

Fyrir byggðarráði liggur niðurstaða Óbyggðanefndar varðandi þjóðlendumál- eyjar og sker.

Óbyggðanefnd telur að svo stöddu almennt unnt að leggja til grundvallar að eyjar og sker sem eru allt að 2 km frá landi geti talist fyrir landi í þessum skilningi og að slíkar eyjar og sker séu hlutar þeirra jarða sem næst liggja, svo framarlega sem staðhættir eða aðrar aðstæður mæla því ekki sérstaklega í mót.

Að mati nefndarinnar er hugsanlegt að landfræðilegt gildissvið ákvæðisins nái lengra frá landi en 2 km en það þarfnast frekari rannsóknar, auk þess sem mögulegt er að mat á því kunni að vera atviksbundið og að einhverju leyti háð staðháttum.