Ósk um leyfi til borunar eftir heitu vatni á landi Húsavíkur 2025

Orkuveita Húsavíkur ohf. óskar eftir leyfi til að bora allt að 10 hitastigulsholur í landi Húsavíkur og Saltvíkur. Tilgangur holanna eru jarðhitarannsóknir og leit að heitu vatni. Horft er til þess að holur verði 60-90 m djúpar, en þó er mögulegt að farið verði niður í allt að 200 til 250 m dýpi ef tilefni telst til. Ekki liggur fyrir hvar holurnar verða boraðar en reiknað er með að þær verði í kringum Skeiðvöll ofan Laugardals norðan Húsavíkur og einhverjar holur í landi Saltvíkur. Staðsetning holanna tekur mið af því að auðvelt verði að koma tækjum að og frá borstað.

Á 221. fundi skipulags- og framkvæmdaráðs var eftirfarandi bókað:
Skipulags- og framkvæmdaráð leggur til við byggðarráð, í sumarleyfisumboði sveitarstjórnar, að Orkuveitu Húsavíkur verði heimilaðar boranir.