Skipulags- og framkvæmdaráð
Dagskrá
1.Hönnun skíðavæðis við Reyðarárhnjúk
Málsnúmer 202204113Vakta málsnúmer
Íþrótta- og tómstundafulltrúi kynnti hönnun skíðasvæðis við Reyðarárhnjúk.
Skipulags- og framkvæmdaráð þakkar Kjartani Páli Þórarinssyni íþrótta- og tómstundarfulltrúa fyrir kynninguna.
2.Gatnagerð íbúðasvæði Í5, Reiturinn
Málsnúmer 202304076Vakta málsnúmer
Umræður um hönnun á gatnagerð á svæði Í5.
Rekstrarstjóri Orkuveitu Húsavíkur kynnti áætlanir OH á svæðinu.
Rekstrarstjóri Orkuveitu Húsavíkur kynnti áætlanir OH á svæðinu.
Skipulags- og framkvæmdaráð þakkar Benedikt Þór Jakobssyni rekstrarstjóra Orkuveitu Húsavíkur fyrir kynninguna. Ráðið felur sviðsstjóra skipulags- og umhverfissviðs að undirbúa fyrsta áfanga gatnagerðar á íbúðasvæði Í5, Reitnum.
3.Lausar lóðir í Norðurþingi
Málsnúmer 202304077Vakta málsnúmer
Skipulags- og framkvæmdaráð fjallaði um lóðaframboð í Norðurþingi.
Skipulags- og framkvæmdaráð felur skipulags- og byggingarfulltrúa að hefja vinnu við deiliskipulag íbúðasvæðis, Í1 norðan Lyngbrekku.
4.Umsókn um lóð að Hraunholti 30
Málsnúmer 202304070Vakta málsnúmer
Björn Hákon Sveinsson óskar eftir úthlutun lóðar að Hraunholti 30 undir byggingu einbýlishúss.
Skipulags- og framkvæmdaráð leggur til við sveitarstjórn að lóðinni verði úthlutað til umsækjanda.
5.Samningur við Yggdrasil Carbon ehf. um landsvæði við Saltvík
Málsnúmer 202304072Vakta málsnúmer
Fyrir liggur tillaga að samningi við Yggdrasil Carbon um skógræktarland við Saltvík til samræmis við bókun ráðsins 22. nóvember s.l. Ennfremur liggur fyrir hnitsett afmörkun 160 ha lands sunnan heimreiðar að hesthúsi sunnan Saltvíkurbæjar.
Skipulags- og framkvæmdaráð leggur til við sveitarstjórn að gerður verði samningur við Yggdrasil Carbon á grunni fyrirliggjandi samningsdraga.
6.Umsókn um byggingarleyfi fyrir viðbyggingu við Garðarsbraut 11
Málsnúmer 202304036Vakta málsnúmer
Á 153. fundi skipulags- og framkvæmdaráðs var fjallað um leyfi til viðbyggingar við Garðarsbraut 11. Þá var byggingarfulltrúa falið að grenndarkynna erindið. Umsækjandi hefur nú skilað inn skriflegu samþykki nágranna fyrir viðbyggingunni og jafnframt jákvæðri umsögn Minjastofnunar Íslands.
Skipulags- og framkvæmdaráð telur grenndarkynningu fullnægjandi og heimilar byggingarfulltrúa að veita byggingarleyfi þegar fullnægjandi gögnum þar að lútandi hefur verið skilað.
7.Starfsemi Frístundar 2023-2024
Málsnúmer 202303117Vakta málsnúmer
Fyrir skipulags- og framkvæmdaráði liggur fyrir bókun fjölskylduráðs um aðstöðu Frístundar 2023-2024.
Skipulags- og framkvæmdaráð felur sviðsstjóra skipulags- og umhverfissviðs að vinna málið áfram í samvinnu við fræðslufulltrúa og leggja fyrir ráðið að nýju.
8.Vinnufundur með VERKÍS
Málsnúmer 202305003Vakta málsnúmer
Skipulags- og framkvæmdaráð hefur óskað eftir vinnufundi með VERKÍS vegna þeirra framkvæmda sem VERKÍS hefur umsjón með hjá Norðurþingi.
Skipulags- og framkvæmdaráð felur sviðsstjóra skipulags- og umhverfissviðs að undirbúa vinnufund ráðsins með VERKÍS fimmtudaginn 11. maí n.k.
9.Framkvæmdir við Hafnarstétt 17
Málsnúmer 202305004Vakta málsnúmer
Sviðsstjóri skipulags- og umhverfissviðs kynnti framkvæmdir við Hafnarstétt 17 og aðkomu Norðurþings að þeim.
Lagt fram til kynningar.
Fundi slitið - kl. 15:45.
Benedikt Þór Jakobsson rekstrarstjóri Orkuveitu Húsavíkur sat fundinn undir lið 2.