Skipulags- og framkvæmdaráð
Dagskrá
1.Framkvæmdir Rarik á Húsavík 2023
Málsnúmer 202308025Vakta málsnúmer
Fulltrúar RARIK á Norðurlandi komu inn á fund skipulags- og framkvæmdaráðs til að ræða skipulagsmál RARIK innan sveitarfélagsins.
Skipulags- og framkvæmdaráð þakkar fulltrúum RARIK fyrir komuna og upplýsandi samtal.
2.Framkvæmdaáætlun 2023
Málsnúmer 202210015Vakta málsnúmer
Sviðsstjóri umhverfis- og skipulagssviðs fór yfir framkvæmdaáætlun sviðsins fyrir 2023.
Lagt fram til kynningar.
3.Vegagerð á Röndinni Kópaskeri
Málsnúmer 202106077Vakta málsnúmer
Sviðsstjóri fór yfir stöðu mála varðandi gatnagerð á Röndinni á Kópaskeri og hugmynd að vegi að fiskeldi Rifóss á Kópaskeri.
Skipulags- og framkvæmdaráð samþykkir að sviðsstjóri umhverfis- og skipulagssviðs fái tilboð í hönnun á nýjum vegi að fiskeldi Rifóss á Kópaskeri samkvæmt hugmynd sviðsstjóra.
4.Umhverfisstefna Norðurþings
Málsnúmer 201707063Vakta málsnúmer
Sviðsstjóri umhverfis- og skipulagssviðs kynnti gerð umhverfis- og loftslagsstefnu Norðurþings sem áætlað er að vinna veturinn 2023-2024.
Skipulags- og framkvæmdaráð samþykkir tillögur Verkís að mótun umhverfis- og loftslagsstefnu Norðurþings, dags. 26. september 2023.
5.Ábending um lækkandi yfirborð tjarna við Kópasker
Málsnúmer 202309018Vakta málsnúmer
Sviðsstjóri umhverfis- og skipulagssviðs kynnti fyrir skipulags- og framkvæmdaráði skýrslu Eflu þekkingarfyrirtækis. Skýrslan var unnin í september 2023 að beiðni fiskeldisfyrirtækisins Rifós á Kópaskeri vegna athugasemda og ábendinga um niðurdrátt í tjörnum í nágrenni Kópaskers.
Lagt fram til kynningar.
6.Lóðafrágangur við Pálsgarð 1
Málsnúmer 202309141Vakta málsnúmer
Sviðsstjóri kynnti tilboð frá Naustalæk ehf. vegna lóðarfrágangs að Pálsgarði 1.
Skipulags- og framkvæmdaráð samþykkir að taka fyrirliggjandi tilboði Naustalækjar ehf. í lóðarfrágang við Pálsgarð 1.
7.Bílastæðamál í væntanlegu aðalskipulagi Norðurþings
Málsnúmer 202309104Vakta málsnúmer
Með bréfi dags. 13. september 2023 skorar stjórn Húsavíkurstofu á skipulags- og framkvæmdaráð að huga vel að aukinni eftirspurn eftir bílastæðum á ferðamannatíma við endurskoðun aðalskipulags Norðurþings.
Skipulags- og framkvæmdaráð þakkar Húsavíkurstofu fyrir erindið.
8.Umsókn um stofnun lóðar út úr Nýjabæ
Málsnúmer 202309108Vakta málsnúmer
Bjarnastaðir hestaferðir ehf óska eftir samþykki fyrir stofnun 894 m² lóðar út úr Nýjabæ í Kelduhverfi. Ný lóð fái heitið Nýjibær 2. Fyrir fundi liggur hnitsettur lóðaruppdráttur.
Skipulags- og framkvæmdaráð leggur til við sveitarstjórn að lóðarstofnun verði samþykkt og að nýja lóðin fái heitið Nýjibær 2.
9.Ósk um stofnun lóðar út úr Oddsstöðum
Málsnúmer 202309098Vakta málsnúmer
Eigendur Oddsstaða á Melrakkasléttu óska eftir samþykki fyrir stofnun 1 ha lóðar utan um fyrrum útihús tilheyrandi Vatnsenda. Ný lóð fái heitið Vatnsendi útihús. Fyrir liggur hnitsettur lóðaruppdráttur.
Skipulags- og framkvæmdaráð leggur til við sveitarstjórn að lóðarstofnun verði samþykkt og að nýja lóðin fái heitið Vatnsendi útihús.
10.Ósk um stofnun lóðar út úr Afaborg
Málsnúmer 202309099Vakta málsnúmer
Eigendur Afaborgar óska eftir samþykki fyrir stofnun nýrrar lóðar út úr lóðinni. Ný lóð verði 1.035 m² skv. hnitsettu lóðarblaði sem fylgir umsókn. Ennfremur er þess óskað að nýja lóðin fái heitið Skýjaborg.
Skipulags- og framkvæmdaráð leggur til við sveitarstjórn að lóðarstofnun verði samþykkt og að nýja lóðin fái heitið Skýjaborg.
11.Ósk um vilyrði fyrir lóðum til uppbyggingar verslunar og þjónustu á Húsavík
Málsnúmer 202309090Vakta málsnúmer
Samkaup hf og KSK eignir óska eftir tímabundnum yfirráðum yfir tveimur svæðum þar sem hugmynd er að byggja upp 1.600-3.000 m² verslunar- og þjónustuhúsnæðis sem m.a. myndi hýsa nýja matvöruverslun. Svæði sem fyrirtækin óska eftir yfiráðum yfir eru landfylling við Suðurfjöru annarsvegar og hinsvegar svæði gegnt sláturhúsi Norðlenska. Ennfremur er óskað eftir vilyrði fyrir úthlutun lóðar þegar niðurstaða hagkvæmniathugunar liggur fyrir.
Skipulags- og framkvæmdaráði hugnast ekki staðsetning uppbyggingar fyrir verslunar- og þjónustuhúsnæði á landfyllingu í suðurfjöru. Ráðið er hinsvegar reiðubúið til að taka tímabundið, til loka janúar 2024, frá svæði undir mögulega uppbyggingu á svæði gegnt sláturhúsi Norðlenska vegna athugunar umsækjenda.
Fundi slitið - kl. 15:35.
Árni Grétar Árnason, Sigmundur Sigurðsson og Sigurjón Jóhannesson frá Rarik sátu fundinn undir lið 1.