Fréttir

Sorpmóttakan að Víðimóum er lokuð í dag, miðvikudag, eftir hádegi vegna veðuraðstæðna og færðar. Sorphirða gengur hægt og verður suðurbærinn kláraður á morgun, fimmtudag en samkvæmt áætlun er hann á dagskrá í dag. Sorphirða í Reykjahverfi fer fram eftir hádegi á morgun - fimmtudag.

Breyting á sorphirðu í Reykjahverfi þessa vikuna

Norðurþing hlaut á dögunum formlega jafnlaunavottun, en það er vottun þess að Norðurþing starfrækir launakerfi sem stenst kröfur jafnlaunastaðalsins ÍST 85:2012. Formlegum úttektum lauk þann 12. febrúar sl. og var það vottunarstofan iCert sem framkvæmdi úttektina. Í úttektarskýrslu kemur fram að vottunin er veitt án frávika og/eða athugasemda

Boðuð hafa verið verkföll starfsmanna innan BSRB næstkomandi mánudag og þriðjudag. Ef til þeirra kemur raskast starfsemi í íþróttamannvirkjum á Húsavík.

Upplýsingar um Kórónaveiruna Covid-19 á vef Landlæknis

Sambýlið Pálsgarður - Laust starf til umsóknar

Þjónustan heim - Laus störf til umsóknar hjá Félagsþjónustu Norðurþings

Öskudagurinn er tekinn alvarlega hér í stjórnsýsluhúsinu á Húsavík og í ráðhúsinu á Raufarhöfn.

Uppskeruhátíð tónlistarskólans verður haldin sunnudaginn 1. mars í sal Borgarhólsskóla og Tónlistarskólans. Uppskeruhátíðin verður jafnframt heiðurstónleikar Árna Sigurbjarnarsonar en hann lætur af störfum 1. mars eftir tæplega fjóra áratugi sem skólastjóri Tónlistarskóla Húsavíkur.

Nú hefur verið opnað fyrir umsóknir um styrk úr sjóðum Öxarfjarðar í sókn og er frestur til að sækja um til mánudagsins 3. mars 2020.

Stuðningsfjölskylda tekur á móti barni, eða í sumum tilvikum barni og foreldrum. Markmiðið er að létta álagi af barni og fjölskyldu, styrkja stuðningsnet barnsins og annað eftir því sem við á hverju sinni. Algengast er að barn dvelji hjá stuðningsfjölskyldu 1-2 helgar í mánuði en heimilt er að vista barn hjá stuðningsfjölskyldu í allt að sjö daga samfellt. Þjónustusvæði Barnaverndar Þingeyinga er Norðurþing, Þingeyjarsveit, Skútustaðahreppur, Tjörneshreppur, Langanesbyggð og Svalbarðshreppur.

Í lok desember 2019 var opnuð skíðalyfta í Reyðarárhnjúk ofan Húsavíkur. Um er að ræða lyftu sem áður stóð í Skálamel en sökum breyttra snjóalaga var tekin ákvörðun um að færa lyftuna. Verkið var dregið áfram af sjálfboðaliðum og áhugasömu fólki um framgang vetraríþrótta. Óhætt er að segja að verkið hefði aldrei verið unnið eins hratt og raun ber vitni án aðstoðar frá þessari vösku sveit. Frá því að lyftan var opnuð formlega hefur því miður gengið brösulega að halda henni gangandi. Veðurfar í janúar var eins og það var og lítið við því að gera. Við erum enn að læra á svæðið okkar upp frá og veður getur verið gjörólíkt því sem er í þéttbýlinu á Húsavík.