Fréttir

Á fundi sínum þann 20. nóvember s.l. samþykkti bæjarstjórn Norðurþings tillögu skipulags- og byggingarnefndar frá 14. nóvember  að skipulagslýsingu deiliskipulags fyrir hluta iðnaðarsvæðis á Bakka.

Skíðalyftan í Skálamel veður opin í dag, fimmtudag, frá kl. 13 til 18.  

Málþing verður haldið á Hótel Norðurljósum, Raufarhöfn 28. nóvember n.k. kl. 17.00.  Hvaða tækifæri felast í því að listamenn kaupa upp yfirgefin hús, í litlum bæjarfélögum? Hvernig er hægt að nýta sér nærveru þeirra, bæjarfélaginu til framdráttar? 

Fjáröflunartónleikar Stúlknakórs Húsavíkur verða haldnir í sal Borgarhólsskóla, miðvikudaginn  21. nóvember  kl 18:00. Aðgangseyrir 1000 kr. Frítt fyrir börn.

Á fundi sínum þann 25. október s.l. samþykkti bæjarstjórn Norðurþings tillögu skipulags- og byggingarnefndar frá 17. október að skipulags- og matslýsingu deiliskipulags fyrir Dettifossveg innan Vatnajökulsþjóðgarðs í Norðurþingi.

Í gær voru íbúar í norðurhluta beðnir um að moka frá tunnum eftir að veður gengi niður. Hið rétta er að íbúar í suðurbænum þyrftu að moka frá tunnum vegna væntanlegrar sorphreinsunar þessa helgi. Leiðréttist það hér með og er beðist velvirðingar á þessum mistökum.

Búast má við að sorphirða í norðurhluta bæjarins falli niður á morgun vegna veðurs, athugað verður með hreinsun á sunnudag. Íbúar  eru beðnir um að moka frá tunnum eftir að veðri slotar.

Sýslumaðurinn á Húsavík, almannavarnanefnd Þingeyinga, Viðlagatrygging Íslands, Veðurstofa Íslands og almannavarnadeild ríkislögreglustjórans boða til íbúafunda vegna skjálftavirkni á Norðurlandi. Fundirnir verða þriðjudaginn 30. október. Á Húsavík verður fundurinn kl 17:30 á Fosshóteli, Ketilsbraut 22 og á Kópaskeri verður fundur kl 21:00 á Skjálftasetrinu Akurgerði 6.

Kynningarbæklingi um varnir og viðbrögð við jarðskjálftum verður í dag dreift á öll heimili á Húsavík, Reykjahverfi, Tjörnesi og Þingeyjarsveit suður að Vestmannsvatni og Gvendarstöðum.

Vegna viðgerðar á raflínu Rarik, nánar til tekið Kópaskerlínu, sem er afleiðing af óveðri í september sl. má búast við truflunum í dag og á morgun á símasambandi við skiptiborð Norðurþings vegna tímabundins rafmagnsleysis.

Næsti fundur bæjarstjórnar Norðurþings verður haldinn í Stjórnsýsluhúsinu á Húsavík þann 23. október n.k. og hefst hann klukkan 16:15.  Dagskrá fundarins verður auglýst síðar.

Utankjörfundaratkvæðagreiðsla vegna þjóðaratkvæðagreiðslu um tillögur stjórnlagaráðs sem fram fer þann 20. október 2012, er hafin við embætti sýslumannsins á Húsavík.