Fréttir

Á fundi sínum þann 25. október s.l. samþykkti bæjarstjórn Norðurþings tillögu skipulags- og byggingarnefndar frá 17. október að skipulags- og matslýsingu deiliskipulags fyrir Dettifossveg innan Vatnajökulsþjóðgarðs í Norðurþingi.

Í gær voru íbúar í norðurhluta beðnir um að moka frá tunnum eftir að veður gengi niður. Hið rétta er að íbúar í suðurbænum þyrftu að moka frá tunnum vegna væntanlegrar sorphreinsunar þessa helgi. Leiðréttist það hér með og er beðist velvirðingar á þessum mistökum.

Búast má við að sorphirða í norðurhluta bæjarins falli niður á morgun vegna veðurs, athugað verður með hreinsun á sunnudag. Íbúar  eru beðnir um að moka frá tunnum eftir að veðri slotar.

Sýslumaðurinn á Húsavík, almannavarnanefnd Þingeyinga, Viðlagatrygging Íslands, Veðurstofa Íslands og almannavarnadeild ríkislögreglustjórans boða til íbúafunda vegna skjálftavirkni á Norðurlandi. Fundirnir verða þriðjudaginn 30. október. Á Húsavík verður fundurinn kl 17:30 á Fosshóteli, Ketilsbraut 22 og á Kópaskeri verður fundur kl 21:00 á Skjálftasetrinu Akurgerði 6.

Kynningarbæklingi um varnir og viðbrögð við jarðskjálftum verður í dag dreift á öll heimili á Húsavík, Reykjahverfi, Tjörnesi og Þingeyjarsveit suður að Vestmannsvatni og Gvendarstöðum.

Vegna viðgerðar á raflínu Rarik, nánar til tekið Kópaskerlínu, sem er afleiðing af óveðri í september sl. má búast við truflunum í dag og á morgun á símasambandi við skiptiborð Norðurþings vegna tímabundins rafmagnsleysis.

Næsti fundur bæjarstjórnar Norðurþings verður haldinn í Stjórnsýsluhúsinu á Húsavík þann 23. október n.k. og hefst hann klukkan 16:15.  Dagskrá fundarins verður auglýst síðar.

Utankjörfundaratkvæðagreiðsla vegna þjóðaratkvæðagreiðslu um tillögur stjórnlagaráðs sem fram fer þann 20. október 2012, er hafin við embætti sýslumannsins á Húsavík.

Flugfélagið Ernir hefur ákveðið að bæta við flugum til Húsavíkur og fljúga sex daga vikunnar samtals 10 flug í viku.

Fimmtudagskvöldið 11. október verður ný vefsíða Fálkaseturs Íslands formlega opnuð. Af því tilefni er boðað til fræðslufundar um þemu Fálkasetursins.

Viðrunarfundir með bændum og björgunaraðilum sem tóku þátt í fjárleitum tengt hamfaraveðri eru fyrirhugaðir á tímabilinu 1-12 október og eru liður í áfallahjálp.  Nánara fyrirkomulag verður auglýst síðar. 

Þar verða til sölu hrútar frá mörgum þeim bæjum sem hafa söluleyfi úr Norðausturhólfi.