Fréttir

Nú stendur yfir kynning á drögum að tillögu að matsáætlun vegna fyrirhugaðrar 25 000 tonna kísilkarbíðverksmiðju Saint Gobain á Bakka við Húsavík.  

Íbúafundir verða haldnir í umdæmi sýslumannsins á Húsavík vegna afleiðinga óveðursins síðustu daga.  Fundirnir fara fram miðvikudaginn 19. september sem hér segir:

Fyrir bæjarráði liggja drög að heildstæðu frumvarpi til náttúruverndarlaga frá umhverfis- og auðlindaráðuneyti til umsagnar.  Í meðfylgjandi drögum sem telja um 107 blaðsíður fylgja athugasemdir við lagafrumvarpið.

Kæri íbúi Samráðshópur um áfallahjálp í Þingeyjarsýslu hefur að höfðu samráði við almannavarnir ákveðið að senda þetta bréf í kjölfar alvarlegra atburða í héraðinu. Tilgangurinn með bréfinu er að veita þér upplýsingar um viðbrögð eftir alvarlegt áfall og hvert þú getur leitað ef eigin úrræði duga þér ekki til að ná fyrra jafnvægi.

Sunnudaginn 26. ágúst næstkomandi kl. 10:30 verður Húsvavíkurvöllur vígður með formlegri athöfn.  Þennan dag fer fram Kiwanismótið en það er mót 6. - 8. flokks í knattspyrnu. 

Thorsil ehf., sem áformar að byggja kisilmálmverksmiðju á Bakka við Húsavík, hefur auglýst drög að matsáætlun til kynningar fyrir almenningi.

Utankjörfundaratkvæðagreiðsla vegna kjörs forseta Íslands þann 30. júní 2012, við embætti sýslumannsins á Húsavík er hafin. Opið er á skrifstofutíma á milli kl. 9:30 – 15:00.  Jafnframt verður opið laugardagana 2., 9., 16. og 23. júní frá kl. 12:00 – 14:00.

Öll netaveiði göngusilungs í sjó í landi Húsavíkur er bönnuð nema með leyfi sveitarfélagsins.    

Í sumar verður unnið að rannsókn á eyðibýlum og yfirgefnum húsum í Þingeyjarsýslum.

Atvinnuþróunarfélag Þingeyinga skorar á Alþingi Íslendinga að samþykkja frumvarp fjármálaráðhera um fjármögnun Vaðlaheiðarganga hið fyrsta, en tilboðið í verkið rennur út 14. júní nk. og hafa tafir á verkefninu þegar valdið talsverðum skaða.

Stefnt er á afhendingu á Pálsreit, íbúðum fyrir geðfatlaða, mánudaginn 4. júní kl. 16:00.  Um leið gefst fólki tækifæri á að skoða þá aðstöðu sem byggð hefur verið upp í samstarfi við velferðarráðuneytið.

Samkvæmt samþykkt bæjarstjórnar Norðurþings frá 15. maí 2012 og í samræmi við 1. mgr.  36. gr. skipulagslaga nr. 123/2010 er hér með auglýst tillaga að breytingu á Aðalskipulagi Norðurþings 2010-2030.