Fréttir

Hinar árlegu sumarbúðir Íþróttasambands fatlaðra verða haldnar að venju á Laugarvatni næsta sumar.  Eins og áður verður boðið upp á tvö vikunámskeið, það fyrra vikuna 18. - 25. júní og hið síðara vikuna 25. júní - 2. júlí. Umsóknarfrestur er til 16. apríl nk.

Ætlunin er að gefa út bækling/vefrit með upplýsingum um þá afþreyingu sem verður í boði sumarið 2010 fyrir unga sem aldna í sveitarfélaginu s.s. leikjanámskeið, reiðskólar, íþróttir, siglinganámskeið, leiklist  o.fl. Af þeim sökum er verið að leitast eftir upplýsingum þar um. Upplýsingar þurfa að hafa borist æskulýðsfulltrúa fyrir 1.apríl 2010.

Sif Jóhannesdóttir, fulltrúi Atvinnuþróunarfélags Þingeyinga verður til viðtals á skrifstofum Norðurþings  mánudaginn 22. mars. Kópasker kl. 10:00-12:00 Raufarhöfn kl. 13:00-16:00

Nú þegar umsóknarfrestur um stöðu skólastjóra við Borgarhólsskóla er liðinn, ber Norðurþingi að birta nöfn þeirra sem sóttu um stöðuna.  

Menningar- og fræðslunefnd Norðurþings auglýsir eftir umsóknum um styrki til lista- og menningarmála. Styrkirnir eru veittir samkvæmt skipulagsskrá Lista- og menningarsjóðs Norðurþings og reglum um úthlutun úr sjóðnum. Úthlutun úr sjóðnum fer fram tvisvar á ári, í mars og október. Skipulagsskrá Lista- og menningarsjóðs  ásamt reglum um úthlutun úr sjóðnum má nálgast á hér.

Tillaga að Aðalskiplagi Norðurþings 2009-2029 var kynnt á opnum fundi á Húsavík 8. febrúar sl. Þar var farið yfir forsendur og meginstefnu tillögunnar en hún skiptist í þrjá megin hluta: 1) Stefnu í öllum helstu málaflokkum sem sveitarfélagið starfar á, 2) skipulag dreifbýlis og 3) skipulag þéttbýlis. Einnig hefur verið unnin umhverfisskýrsla fyrir tillöguna í samræmi við lög um umhverfismat áætlana.  Glærur frá kynningarfundinum má nálgast hér.

Málþing verður haldið í félagsheimilinu Hnitbjörgum á Raufarhöfn, föstudaginn 19. mars frá kl. 14:00-17:00. Á málþinginu verður fjallað frá mörgum sjónarhornum um uppbyggingu á gerðinu og hugmyndafræðina þar að baki.  Vinna við gerðið er nú í fullum gangi og gefst málþingsgestum tækifæri til að skoða framkvæmdirnar.  

Sumarið 2009 var garðyrkjustjóri Norðurþings boðaður á fund meirihluta sveitarstjórnar Norðurþings, að beiðni Jóns Helga Björnssonar, til að gera grein fyrir skógrækt í landi Húsavíkur.  

Æskulýðsnefnd Norðurþings auglýsir eftir umsóknum um styrki úr Afreks- og viðurkenningarsjóði Norðurþings.Reglur um Afreks- og viðurkenningarsjóð Norðurþings ásamt umsóknareyðublöðum má nálgast á hér  eða á skrifstofu Norðurþings á Húsavík.

Æskulýðsnefnd Norðurþings auglýsir eftir umsóknum um styrki vegna starfs í þágu barna og ungmenna. Félög og/eða samtök sem hafa barna- og unglingastarf á stefnuskrá sinni geta sótt um styrk.

Þjóðaratkvæðagreiðsla um gildi laga nr. 1/2010 fer fram laugardaginn 6. Mars 2010.   Kosið verður á eftirtöldum stöðum: Kjördeild Kjörstadur Opnunartimi Kjördeild 1 & 2 (Húsavík) Borgarhólsskóli 10:00 - 22:00 Kjördeild 3 (Kelduhverfi) Skúlagarður 10:00 - 18:00 Kjördeild 4 (Kópasker) Barnaskólinn 10:00 - 18:00 Kjördeild 5 (Raufarhöfn) Grunnskólinn 10:00 - 18:00 Kjósendur skulu hafa persónuskilríki meðferðis á kjörstað.

Fiskistofa auglýsir eftir umsóknum um byggðakvóta til fiskiskipa, m.a. í Norðurþingi, á fiskveiðiárinu 2009/2010. Umsóknum skal skilað til Fiskistofu á eyðublaði sem er að finna á heimasíðu stofnunarinna.  Umsóknarfrestur er til og með 15. mars 2010. Auglýsinguna má sjá í heild sinni hér að neðan.