Fréttir

Spennandi verkefni á menningarsviðinu Menningar- og fræðslunefnd Norðurþings auglýsir eftir framkvæmdaraðila/aðilum að sumartónleikum 2010.  Tónleikarnir eru styrktir af Lista- og menningarsjóði Norðurþings.  Frábært tækifæri fyrir hæfileikaríka einstaklinga.

Skrifstofa Norðurþings á Húsavík verður lokuð eftir hádegi, föstudaginn 28. maí næstkomandi.        

Sveitarstjórn Norðurþings auglýsir hér með tillögu að deiliskipulagi hesthúsasvæðis í landi Saltvíkur sunnan Húsavíkur skv. 25. gr. skipulags- og byggingarlaga nr. 73/1997 með síðari breytingum.  Skipulagstillagan er ekki í samræmi við gildandi aðalskipulag Húsavíkurbæjar 2005-2025 en hinsvegar í samræmi við tillögu að aðalskipulagi Norðurþings 2010-2030 sem auglýst er til kynningar samhliða. 

Verkefnisstjórn um orkunýtingu og atvinnuuppbyggingu í Þingeyjarsýslum heldur opinn fund með Katrínu Júlíusdóttur iðnaðarráðherra og Herði Arnarsyni forstjóra Landsvirkjunar þriðjudaginn 25. maí, kl. 17:15 á Fosshótel Húsavík. Farið verður yfir vinnu verkefnisstjórnarinnar sem skipuð var í nóvember 2009 á grundvelli sameiginlegrar viljayfirlýsingar iðnaðarráðherra, Norðurþings, Skútustaðahrepps og Þingeyjarsveitar um samstarf á sviði orkurannsókna, orkunýtingar og atvinnuuppbyggingar í Þingeyjarsýslum.

Sveitarstjórn Norðurþings auglýsir hér með tillögu að Aðalskipulagi Norðurþings 2010-2030 samkvæmt 18. gr. skipulags- og byggingarlaga nr. 73/1997 m.s.br.  Jafnframt er auglýst umhverfisskýrsla um tillöguna í samræmi við 7. gr. laga um umhverfismat áætlana nr. 105/2006.

Alma Lilja Ævarsdóttir hefur verið ráðin forstöðumaður geðræktarmiðstöðvarinnar Setursins.  Alma hefur stundað háskólanám í sálfræði og stundar nú nám í Nútímafræði við Háskólann á Akureyri. 

Opnunartími um Hvítasunnuhelgina. Laugardagur 10:00 - 17:00 Hvítasunnudagur 10:00 - 13:00 Annar í hvítasunnu 10:00 - 17:00  

Kjörskrá Norðurþings vegna sveitarstjórnarkosninga sem fram fara þann 29. maí næstkomandi, mun liggja frammi á skrifstofum sveitarfélagsins á Húsavík, Kópaskeri og Raufarhöfn frá og með 19. maí til 29. maí. 

Ársfundur 2010Ársfundur Lífeyrissjóðs starfsmanna Húsavíkur­kaupstaðar verður haldinn fimmtudaginn 20. maí nk., kl. 10:00 í Stjórnsýsluhúsinu að Ketilsbraut 7-9, Húsavík.

Opnum fundi um orkunýtingu og atvinnuuppbyggingu í Þingeyjarsýslum sem vera átti í dag, mánudaginn 17. maí kl. 17:15, er frestað um óákveðinn tíma. Ástæða frestunarinnar er sú að innanlandsflugi hefur verið aflýst í dag vegna öskufalls.

Nemendur 8.,9. og 10. bekkja eiga að hafa fengið umsóknareyðublöð í hendurnar. Þeir nemendur sem óska eftir að taka þátt í Vinnuskóla Norðurþings þurfa að vera búnir að skila inn umsóknum í síðasta lagi 21.maí.

Fimmtudaginn 13. maí, Uppstigningardag, verður sundlaugin opin 10 - 17.