Fréttir

Sorphirða á Húsavík er að öllu jöfnu hálfsmánaðarlega, þ.e. suðurbær er hreinsaður aðra vikuna og norðurbærinn hina. Mörk milli bæjarhluta eru miðuð við Búðará. Yfir sumartímann verður bærinn hreinsaður vikulega sé þess þörf. Í Reykjahverfi er sorphirðan vikuleg yfir sumartímann en annars á 2ja vikna fresti. Í Kelduhverfi, á Kópaskeri, Öxarfirði og Raufarhöfn er vikuleg hreinsun. 

Á 124. fundi byggðarráðs Norðurþings sem fram fór þann, 22. júní s.l. var samþykkt að endurráða Berg Elías Ágústsson sem sveitarstjóra Norðurþings fyrir starfsárin 2010 til 2014.

Á 124. fundi byggðarráðs Norðurþings sem fram fór þann, 22. júní s.l. var samþykkt að endurráða Berg Elías Ágústsson sem sveitarstjóra Norðurþings fyrir starfsárin 2010 til 2014.          

Guðrún Halldóra Jóhannsdóttir leikskólastjóri og Sigríður Valdís Sæbjörnsdóttir leikskólakennari hafa nýverið lokið stjórnunarnámi sem kallast "Árangur í starfi" hjá Reyni ráðgjafarstofu. Í náminu var farið í ýmis hagnýt fræði er varða tímastjórnun, markmiðasetningu og áætlunargerð, að auka framleiðni með forgangsröðun og ýmislegt fleira er varðar stjórnun.

Í gær þriðjudaginn 15. júní var haldinn fyrsti fundur nýrrar sveitarstjórnar Norðurþings. Þar var skipað í fasta-nefndir sveitarfélagsins og má sjá hverjir skipa þær með því að smella hér. Vegna bilunar í tölvukerfi er ekki hægt að birta fundargerðina hér á heimasíðunni að svo stöddu

Sveitarfélagið Norðurþing mun í lok sumars efna til ljósmyndasamkeppni.  Samkeppni verður í eftirfarandi flokkum:  "Æskan og mannlífið", "Náttúran í Norðurþingi" og "Mitt Norðurþing". Sigurvegarar fá vegleg verðlaun en auk þess munu bestu myndirnar birtast á nýjum vef sveitarfélagsins sem ráðgert er að verði opnaður 1. október.

Helgina 18. - 20. júní verður Sólstöðuhátíðin haldin á Kópaskeri.  Hátíðin er fyrir alla fjölskylduna og ættu allir að finna eitthvað við sitt hæfi.  Meðal þess sem boðið verður upp á eru fjölmargar sýningar s.s. list- og handverkssýningar, tónleikar, sólstöðuganga, grillveisla og dansleikur auk þess sem ýmis leiktæki eru fyrir börnin. Dagskrá hátíðarinnar

Yfirkjörstjórn Norðurþings hefur sent frá sér úrslit kosninga 2010 með upplýsingum um fjölda atkvæða á hvern kjörinn fulltrúa í sveitarstjórn. Til að sjá skjalið vinsamlegast smellið á feitletraða textann.    

Miðvikudaginn 16. júní sýnir Leikhópurinn Lotta nýjasta verk sitt, Hans klaufa í Skrúðgarðinum á Húsavík.  Verkið skirfaði Ljóti hálfvitinn Snæbjörn Ragnarsson en auk Hans klaufa koma við sögu aðrar þekktar persónur úr ævintýraheiminum. Þar má til dæmis nefna Öskubusku og froskaprinsinn.  

Opnunartímar í sundlaug Húsvíkur í sumar: Virka daga 6:45 - 21:00 Helgar 10:00 - 18:00 Forstöðumaður

Vinnuskóli Norðurþings hefst mánudaginn 7.júní. Á Húsavík mæta hópar 1,2 og 3 kl.08:00 og hópar 4,5 og 6 kl. 13:00 við skíðaaðstöðuhúsið í Skálamelnum. Árgangur 1994 mætir einnig við Skálamelinn kl.08:00. Vinnuskólakrakkar á Raufarhöfn og á Kópaskeri eru beðnir um að hringja í flokkstjóra sína til að fá upplýsingar um mætingu. Guðni á Raufarhöfn 8676944 Kristín Ósk á Kópaskeri 8493539

Norðurþing auglýsir eftir einstaklingi til að sinna íþrótta- og félagsstarfi innan sveitarfélagsins austan Húsavíkur og yrði hann staðsettur annaðhvort á Raufarhöfn eða á Kópaskeri. Viðkomandi þarf að geta hafið störf í ágúst/september 2010 . Umsóknarfrestur er til 14.júní.