Bæjarráð Norðurþings

Fyrir bæjarráð liggur erindi frá formanni félags- og barnaverndarnefndar er varðar framtíðarsýn í málefnum fatlaðra en þær felast í að gerð verði þarfagreining á málefnum fatlaðs fólks. Bæjarráð tekur undir mikilvægi þess að fyrir liggi skýr stefna í búsetumálum fatlaðs fólks og hvetur nefndina til að fara í þessa þarfagreiningu enda rúmist hún innan fjárhagsramma málaflokksins.

Fyrir bæjarráði liggur erindi frá Rifós hf. þar sem óskað er eftir afgreiðslu sveitarfélagsins um hvort það muni nýta forkaupsrétt vegna hlutafjáraukningar í félaginu. Bæjarráð f.h. Norðurþings mun ekki nýta forkaupsrétt sinn í félaginu.

Fyrir bæjarráði liggur erindi frá Atvinnuþróunarfélagi Þingeyinga er varðar framlag sveitarfélagsins til félagsins á árinu 2015. Bæjarráð samþykkir að leggja framlag til félagsins á forsendum sveitarfélagsins sem eru 3,4% verðlagshækkanir og 4,7% launahækkanir fyrir árið 2015.

Fyrir bæjarráði liggur að tilnefna í fagráð Náttúrurannsóknarstöðvarinnar við Mývatn, í samvinnu við önnur sveitarfélög í Þingeyjarsýslum. Bæjarráð veitir bæjarstjóra umboð til að tilnefna fulltrúa í samvinnu við önnur sveitarfélög í Þingeyjarsýslum í fagráð Náttúrurannsóknarstöðvarinnar við Mývatn.

Fyrir bæjarráði liggur fundarboð Ríkislögreglustjóra vegna brennisteinsmengunar frá eldgosinu í Holuhrauni. Lagt fram til kynningar.

Fyrir bæjarráði liggur til kynningar fundargerð Orkuveitu Húsavíkur ohf. Fundargerðin lögð fram til kynningar.

Fyrir bæjarráði liggja tillögur að afslætti fasteignagjalda ársins 2015. Reglur um afslátt af fasteignaskatti lagðar fram til umræðu. Stefnt að afgreiðslu á næsta fundi bæjarráðs.

Fyrir bæjarráði liggur til umræðu álagning gjalda ársins 2015. Lagt fram. Stefnt að afgreiðslu á næsta fundi bæjarráðs.

Fyrir bæjarráði liggja drög að fjárhagsáætlunum sveitarfélagsins fyrir árið 2015. Bæjarráð felur fjármálastjóra að kynna drög að römmum nefnda eins og þeir liggja fyrir með áorðnum breytingum í málaflokkum 02 og 04. Gunnlaugur Stefánsson situr hjá við þessa afgreiðslu.