Bæjarráð Norðurþings

113. fundur 21. ágúst 2014 kl. 16:00 - 16:00 í stjórnsýsluhúsi Norðurþings
Nefndarmenn
  • Óli Halldórsson formaður
  • Friðrik Sigurðsson varaformaður
  • Gunnlaugur Stefánsson aðalmaður
  • Jónas Hreiðar Einarsson áheyrnarfulltrúi
  • Kristján Þór Magnússon bæjarstjóri
  • Bergþóra Höskuldsdóttir Ritari
Fundargerð ritaði: Bergþóra Höskuldsdóttir skjalastjóri
Dagskrá

1.Skipulags- og byggingarnefnd Norðurþings - 119

1408002

Fundargerðin staðfest án umræðu

2.Erindi frá Framfarafélagi Öxarfjarðar v/ÁTVR

201408017

Framfarafélag Öxarfjarðar segir áhuga hjá stjórnendum ÁTVR að leigja aðstöðu í hluta verslunarhúsnæðisins á Kópaskeri og opna þar vínbúð. Muni það styrkja rekstrargrundvöll verslunarinnar, bæta þjónustu við íbúa, farandverkafólk og sívaxandi fjölda ferðamanna á svæðinu .Í framhaldi af viðræðum við Ívar J Arndal forstjóra ÁTVR óskar félagið eftir því við sveitastjórn að hún sendi formlegt erindi til forstjóra ÁTVR með beiðni um að opnuð verði vínbúð á Kópaskeri. Bæjarráð Norðurþings setur sig ekki upp á móti opnun áfengisútsölu á Kópaskeri og bendir ÁTVR á að senda inn formlegt erindi þar um

3.Hjartað í Vatnsmýri-Athugasemdir við auglýstar breytingar á deiliskipulagi Hlíðarenda

201408014

Afrit af bréfi til Umhverfis- og skipulagssviðs Reykjavíkurborgar frá félaginu Hjartað í Vatnsmýrinni. Þar eru gerðar athugasemdir við auglýstar breytingar á deiliskipulagi Hlíðarenda.Í bréfinu er því harðlega mótmælt að flugbraut 06/24 verði lokað og farið yfir mikilvægi þess að Reykjavíkurflugvöllur haldi hlutverki sínu óbreyttu. Félagið ítrekar athugasemdir sínar um að Aðalskipulag Reykjavíkur 2010 - 2030 verði þegar tekið til raunhæfrar endurskoðunar, að núverandi tillaga að Deiliskipulagi Reykjavíkurflugvallar verði afturkölluð og að núverandi tillaga að deiliskipulagi Hlíðarendasvæðisins verði afturkölluð og breytt.Lagt fram til kynningar

4.Ósk um að Norðurþing tilnefni stjórnarmann í stjórn Hvalasafnins á Húsavík SES

201408026

Bæjarráð tilnefnir Guðbjart Ellert Jónsson sem fulltrúa Norðurþings í stjórn Hvalasafnsins

5.Aðalfundur Menningarmiðstöðvar Þingeyinga 2014

201408034

;Aðalfundur Menningarmiðstöðvar Þingeyinga 2014 verður haldinn þann 27. ágúst í fundarsal Framsýnar, Garðarsbraut 26, Húsavík.Lagt fram til kynningar

6.Breyting aðalskipulags v/ norðurhafnar

201406081

Eftirfarandi var bókað á 119. fundi Skipulags- og byggingarnefndar;Skipulags- og byggingarfulltrúi kynnti tillögu Mannvits að skipulagslýsingu vegna breytingar aðalskipulags Norðurþings 2010-2030 sem fælist í um 2 ha landfyllingu innan hafnar.Skipulags- og byggingarnefnd áréttar að hafnarnefnd fer með skipulagsvald á hafnarsvæðinu. Hennar þarf því að geta í skipulagslýsingu.Skipulags- og byggingarnefnd leggur til við bæjarráð, í umboði bæjarstjórnar, að skipulags- og byggingarfulltrúa verði falið að leita umsagna um skipulagslýsinguna með breytingum hjá lögboðnum umsagnaraðilum sem og kynna hana fyrir almenningi skv. ákvæðum 30. gr. skipulagslaga nr. 123/2010. Bæjarráð samþykkir tillögu Skipulags- og byggingarnefndar

7.Steinþór Heiðarsson f.h. Tjörneshrepps óskar eftir leyfi til lagningar ljósleiðara frá Auðbrekku að Reyðará

201408012

Skipulags- og byggingarnefnd Norðurþings leggur til við bæjarráð að Tjörneshreppi verði heimilað að leggja ljósleiðarastreng um land Norðurþings. Nefndin telur þó heppilegra að leggja strenginn austan við iðnaðarsvæðið á Bakka heldur en um veghelgunarsvæði.Bæjarráð samþykkir afgreiðslu Skipulags- og byggingarnefndar

Fundi slitið - kl. 16:00.