Byggðarráð Norðurþings

Til fundarins mætti Benedikt Kristjánsson frá Val ehf. til að kynna áform fyrirtækisins varðandi eignina.

Byggðarráð þakkar Benedikt fyrir góða kynningu. Málið verður tekið til skoðunar hjá Norðurþingi en afgreiðslu þess frestað að svo stöddu.

Byggðarráð samþykkir að fulltrúi Norðurþings á aðalfundi Greiðrar leiðar ehf. verði Margrét Hólm Valsdóttir.

Byggðarráð fagnar þessu góða framtaki en sér sér ekki fært að styrkja viðburðinn. Bent er á að sækja má um styrki til menningarmála í Uppbyggingarsjóð Eyþings.

Fundargerðirnar eru lagðar fram.

Meirihluti byggðarráðs samþykkir fyrirliggjandi hluthafasamkomulag og vísar samkomulaginu til staðfestingar í sveitarstjórn.

Soffía Helgadóttir leggur fram eftirfarandi bókun á móti samþykkt meirihluta byggðarráðs:

"Það sem ræður verði á íbúðarhúsnæði er framboð og eftirspurn. Árið 2015 ákvað stjórn Leigufélags Hvamms ehf. að færa niður eignarverð í fasteigninni að Útgarði 4 um 94,6 milljónir króna eins sést ársreikningi 2014. Röksemdarfærsla og útreikningar að baki þeim gjörningi liggur enn ekki fyrir. Ekki var gert áhættuma né greining á því hvaða áhrif gjörningurinn hefði á fasteignaverð á svæðinu né möguleika byggingargeirans að fjármagna framkvæmdir.
Í dag eru eignirnar metnar mjög lágt miðað við þróun fasteignamarkaðarins enda hefur hann breyst talsvert frá því að umræddur fjármálagjörningur átti sér stað. Varað var við þessu þar sem það lá fyrir að iðnaðaruppbygging í Þingeyjarsýslu myndi hafa veruleg áhrif á fasteignaverð og alls ekki tímabært að fara í þessar niðurfærslu á eigninni. Vinnubrögðin í þessu máli eru meirihluta svetiarstjórnar Norðurþings til vansa. Liggur fyrir einhver stefna varðandi íbúðarmál eldri íbúa á svæðinu þar sem Útgarður var byggður upp sem heimili fyrir eldri samfélagsþegna?
Ég leggst gegn fyrirhugaðri sölu á Leigufélagi Hvamms ehf. Endurskoða ber þessa ákvörðun en ég skora jafnframt á meirihlutann að vanda vinnubrögð við þetta mál, sé það ætlunin að selja félagið. Nær væri að vinna að undirbúningi að áfanga 2 og 3 við Útgarð, m.a. til að leysa húsnæðisvandann á svæðinu."

Soffía Helgadóttir

Sveitarstjóri kynnti að vinna væri í gangi við umsókn til Íbúðalánasjóðs sem send verður inn fyrir lok umsóknarfrests.

Byggðarráð Norðurþings harmar þau mistök sem ítrekað hafa átt sér stað vegna skorts á upplýsingum vegna straumleysis á Húsavík. Fyrir liggja viðbrögð RARIK vegna málsins og þakkar byggðarráð RARIK fyrir skjót viðbrögð. Þá vísar byggðarráð á fyrri bókun frá því 27. apríl sl. þar sem þess er farið á leit að viðvera og þjónusta RARIK við íbúa og fyrirtæki í Norðurþingi verði efld á ný með starfsstöð í sveitarfélaginu. Með öflugri staðbundinni þjónustu RARIK af því tagi eru minni líkur á að mistök af því tagi sem hér um ræðir eigi sér stað.

Ársreikningurinn er lagður fram.

Fundargerðin er lögð fram.

Fundargerðin er lögð fram.

Lagt fram.

Lagt fram.

Lagt fram.

Lagt fram.

Lagt fram.