Byggðarráð Norðurþings
Dagskrá
1.Boð um nýtingu forkaupsréttar vegna sölu á Jökli ÞH-259
201904033
Fyrir byggðarráði liggur erindi frá GPG Seafood ehf. vegna forkaupsréttar sveitarfélagsins að fiskiskipinu Jökli ÞH-259.
Byggðarráð samþykkir að nýta ekki forkaupsréttinn að fiskiskipinu Jökli ÞH-259.
2.Framlenging á tímabundinni ráðningu hafnastjóra
201904052
Á 249. fundi byggðarráðs þann 20. apríl 2018 var samþykkt tímabunin skipun Þóris Arnar Gunnarssonar í starf hafnastjóra Norðurþings. Á 284. fundi byggðarráðs þann 14.mars og 90. fundi sveitarstjórnar Norðurþings þann 19. mars var samþykkt að auglýsa stöðu hafnastjóra Norðurþings. Þar sem staðan verður auglýst á næstu dögum og ljóst að ráðningu nýs hafnastjóra verður ekki lokið fyrir 23. apríl, þegar tímabundinni ráðningu núverandi hafnastjóra lýkur, leggur sveitarstjóri til að tímabundin skipun Þóris Arnar verði framlengd um fjóra mánuði eða til 23. ágústs n.k.
Byggðarráð samþykkir að framlengja tímabundna skipun Þóris Arnar í starf hafnastjóra um fjóra mánuði.
3.Samgöngu- og sveitarstjórnarráðuneyti- EFS 66. gr.sveitarstjórnarlaga - miklar fjárfestingar og skuldbindingar - Fjárhagsáætlun 2019.
201903041
Á 285. fundi byggðarráðs var tekið fyrir erindi frá eftirlitsnefnd með fjármálum sveitarfélaga varðandi fjárfestingar sveitarfélagsins á árinu 2019 og hlutfall þeirra m.v. skatttekjur í samræmi við 66. gr. sveitarstjórnarlaga. Byggðarráð fól sveitarstjóra að vinna drög að svarbréfi og leggja fyrir ráðið.
Sveitarstjóra falið að svara erindinu.
4.Umræða um raforkukaup sveitarfélagsins
201904044
Sveitarstjóri fer yfir gildandi samning um kaup á raforku hjá sveitarfélaginu.
Byggðarráð samþykkir að segja upp gildandi samningi um raforkukaup við Orkusöluna. Sveitarstjóra falið að fylgja málinu eftir og undirbúa útboð.
5.Skýrsla flugklasans - mars 2019
201904042
Fyrir byggðarráði liggur skýrsla flugklasans fyrir tímabilið október 2018 til mars 2019.
Lagt fram til kynningar.
6.Forvarna- og öryggisnefnd Norðurþings 2018
201804223
Fyrir byggðarráði liggur stefna Forvarna- og öryggisnefndar Norðurþings, samanber erindisbréf nefndarinnar frá 27. apríl 2018. Nefndin hefur lokið störfum og verður öryggisnefnd Norðurþings, sem stofnuð er í samræmi við 6. gr. laga um aðbúnað hollustuhætti og öryggi á vinnustöðum nr. 46/1980, kölluð saman til stofnfundar í framhaldinu.
Byggðarráð vísar stefnunni til umræðu og staðfestingar í sveitarstjórn.
7.Innheimtumál 2018
201904037
Fyrir byggðarráði liggur samantekt Motus á innheimtumálum sveitarfélagsins fyrir árið 2018.
Lagt fram til kynningar.
8.Aðalfundur Veiðifélags Litluárvatna 2019
201904030
Boðað er til aðalfundar í Veiðifélagi Litluárvatna þann 20. apríl n.k. kl. 11:00.
Byggðarráð felur Kristjáni Þór að fara með umboð sveitarfélagsins á aðalfundinum. Til vara; Silja Jóhannesdóttir.
9.Alþingi: Til umsagnar frumvarp til laga um dýrasjúkdóma o.fl. (innflutningur búfjárafurða), 766. mál.
201904029
Atvinnuveganefnd Alþingis Óskar eftir umsögn um frumvarp til laga um dýrasjúkdóma o.fl. (innflutningur búfjárafurða), 766. mál.
Þess er óskað að undirrituð umsögn berist eigi síðar en 30. apríl n.k.
Þess er óskað að undirrituð umsögn berist eigi síðar en 30. apríl n.k.
Lagt fram til kynningar.
10.Ársreikningur Norðurþings 2018
201904002
Ragnar Jóhann Jónsson endurskoðandi kemur á fund byggðarráðs og fer yfir drög að ársreikningi Norðurþings fyrir árið 2018.
Byggðarráð þakkar Ragnari Jóhanni fyrir greinargóða kynningu á drögum að ársreikningi 2018.
Byggðarráð vísar ársreikningi Norðurþings 2018 til fyrri umræðu í sveitarstjórn.
Byggðarráð vísar ársreikningi Norðurþings 2018 til fyrri umræðu í sveitarstjórn.
11.Endurskoðun 2019 - vegna ársreiknings 2018
201904034
Fyrir byggðarráði liggur endurskoðunarskýrsla 2019 vegna UT endurskoðunar 2018.
Lagt fram til kynningar.
Fundi slitið - kl. 10:15.
