Byggðarráð Norðurþings

Fyrir byggðarráði liggur krafa Gentle Giants Hvalaferða ehf. á hendur Hafnasjóði Norðurþings vegna niðurstöðu og dóms Landsréttar í máli nr. 664- 2024.

Höfuðstóll kröfu skv. dómsmáli (2018-2023): 36.371.592 kr.
Höfuðstóll kröfu skv. seinna tímabili (2023-2025): 27.863.806 kr.
Vextir af báðum tímabilum: 23.451.830
Málskostnaður með dráttarvöxtum: 3.100.333 kr.

Samtals staða kröfu þann 6. febrúar 2026: 90.787.561 kr.

Fyrir byggðarráði liggur ósk um styrk frá sóknarnefnd Húsavíkurkirkju.
Safnaðarheimili: Fasteignaskattur kr. 584.505,- lóðagjald kr. 64.650,- Samtals kr. 649.155,-
Kirkjubær: Fasteignaskattur kr. 1.016.490,- lóðagjald kr. 86.700,- Samtals kr. 1.103.190,-

Samtals beiðni um styrk að upphæð kr. 1.752.345.

Fyrir byggðarráði liggur umsókn frá sóknarnefnd Raufarhafnarkirkju um styrk á móti fasteignagjöldum og lóðaleigu Raufarhafnarkirkju (safnaðarheimili).

Styrkbeiðni að upphæð 97.270 kr.

Fyrir byggðarráði liggur erindi frá félagi eldri borgara á Raufarhöfn þar sem óskað er eftir styrk til reksturs Breiðabliks.

Fyrir byggðarráði liggur ósk um styrk að upphæð 300 þ.kr vegna kaupa á hljóðbúnaði.

Fyrir byggðarráði liggur ósk um umsögn vegna umsóknar um tímabundið áfengisleyfi frá Leikfélagi Húsavíkur vegna leiksýninga í samkomuhúsinu þann 4, 11 og 18. apríl nk. Áætlaður fjöldi gesta er 105 frá 18 ára aldri.

Til kynningar í byggðarráði er auglýsing eftir framboðum í stjórn og varastjórn Lánasjóðs sveitarfélaga. Frestur til að skila framboðum eða tilnefningum til tilnefningarnefndar rennur út kl. 12 á hádegi föstudaginn 27.febrúar nk.

Fyrir byggðarráði liggur ósk um tilnefningu fulltrúa í stjórn Markþings.

Samtök sjávarútvegssveitarfélaga boða til Sjávarútvegsfundar fyrir aðildarsveitarfélög, ráðherra, þingmenn, aðila innan sjávarútvegs og aðra áhugasama undir yfirskriftinni: Fagur fagur fiskur í „sjó.“ Breytt umhverfi í sjávarútvegi og áhrif á sjávarbyggðir.

Fundurinn fer fram miðvikudaginn 4. mars kl. 9:30-11:30 og fer fram á Drift, Strandgötu 1, Akureyri.

Fyrir byggðarráði liggur til kynningar bréf frá Innviðaráðuneytinu þar sem fallist var á tillögur sveitarfélagsins um sérstök skilyrði (sérreglur) vegna byggðakvóta fiskveiðiárið 2025/2026.

Fyrir byggðarráði liggur fundargerð Hverfisráðs Raufarhafnar frá 5.febrúar sl.

Fyrir byggðarráði liggur fundargerð hverfisráðs Öxarfjarðar frá 5. febrúar 2026.

Fyrir byggðarráði liggur fundargerð Hverfisráðs Kelduhverfis frá fundi 5. febrúar 2026.

Fyrir byggðarráði liggur fundargerð 79. og fundargerð 80. frá fundum stjórnar SSNE sem haldnir voru 8.janúar og 5.febrúar sl.

Fyrir byggðarráði liggja fundargerðir stjórnar Samtaka orkusveitafélaga, frá 88. fundi þann 17.október og 89. fundi þann 9.janúar sl.

Fyrir byggðarráði liggur fundargerð 993. fundar Sambands íslenskra sveitarfélaga frá 18.febrúar sl.

Á 236. fundi fjölskylduráðs var eftirfarandi bókað:

Fjölskylduráð tekur undir með skólaráði Grunnskóla Raufarhafnar að mikilvægt sé að skólahúsnæðið sé ennþá aðgengilegt og verði vel við haldið. Ráðið beinir því til skipulags og framkvæmdaráðs að sjá til þess að svo sé gert og reglulegt eftirlit verði með húsnæðinu.

Ráðið tekur einnig undir að mikilvægt sé að mokstur og hálkuvarnir séu í forgangi fyrir akstur skólabarna og beinir því til byggðarráðs að brýna það við Vegagerðina.

Fjölskylduráð harmar þá stöðu sem komin er upp en til að tryggja að hægt sé að uppfylla skólaskyldu grunnskólabarna á Raufarhöfn leggur ráðið til við sveitarstjórn að skólahald á Raufarhöfn verði fært í Grunnskóla Öxarfjarðar.