Hverfisráð Raufarhafnar 2023-2025

Byggðarráð þakkar fyrir ábendingarnar undir fundarlið 2) húsnæðisáætlun.
Ráðið vísar lið 4) gámasvæði Raufarhafnar til umfjöllunar í skipulags- og framkvæmdaráði.
Ráðið vísar lið 5) jarðhitaleit á og við Raufarhöfn til umfjöllunar hjá Orkuveitu Húsavíkur.

Aðrir liðir lagðir fram til kynningar.

Skipulags- og framkvæmdaráð felur sviðsstjóra skipulags- og umhverfissviðs að koma á laugardagsopnun á gámasvæði Raufarhafnar.
Skipulags- og framkvæmdaráði hugnast ekki að setja upp manngengt hlið við gámasvæðið.

Stjórn Orkuveitu Húsavíkur ohf. felur rekstrarstjóra að afla frekari gagna um fyrri jarðhitaleitir og leggja fyrir stjórn að nýju.

Byggðarráð vísar eftirfarandi málum í neðangreindan farveg:
1. Sölumál eigna - ráðið þakkar hverfisráði Raufarhafnar fyrir góða samantekt á afstöðu sinnu og hefur ábendingar ráðsins til hliðsjónar við ákvörðunartöku á næstu misserum.
2. Byggðarráð felur sveitarstjóra að afla umbeðinna upplýsinga og miðla áfram til hverfisráðs.
3. Bílhræ og annað drasl - byggðarráð þakkar góða ábendingu og felur sveitarstjóra að vera í samtali við Heilbrigðiseftirlit Norðurlands eystra um málið.
4. Vegur um Melrakkasléttu - byggðarráð felur sveitarstjóra að beita sér í málinu og vera í samtali við Vegagerðina.

Lagt fram til kynningar.

Byggðarráð vísar liðum 2 og 3 í fundargerðinni til skipulags- og framkvæmdaráðs.

Byggðarráð felur sveitarstjóra að vekja athygli stjórnar DA sf. á 5. lið fundargerðarinnar.

Skipulags- og framkvæmdaráð horfir til þess að hefja deiliskipulagsvinnu á Raufarhöfn á yfirstandandi ári. Enn hefur þó ekki verið ákveðið hvaða svæði verður tekið undir í skipulagsvinnunni.

Skipulags- og framkvæmdaráð felur sviðsstjóra skipulags- og umhverfissviðs að taka hugmyndir um lýsingu við Aðalbraut til umræðu við umferðaröryggisdeild Vegagerðarinnar á næsta samráðsfundi.

Byggðarráð vísar lið nr. 3 í fundargerð til skipulags- og framkvæmdaráðs.
Byggðarráð vísar lið nr. 4 í fundargerð til fjölskylduráðs.

Aðrir liðir fundargerðar lagðir fram til kynningar.

Ekki eru gerðar neinar athugasemdir er varða íþrótta- og tómstundastefnu.
Jafnlaunavottun: Síðasta endurskoðun var 2023 og gildir til 2026.

Aðrar athugasemdir verða til hliðsjónar við endurskoðun þjónustustefnu Norðurþings.

Skipulags- og framkvæmdaráð vísar úrbótum á tjaldsvæði Raufarhafnar til fjárhagsáætlunarvinnu fyrir árið 2026.

Fundargerð hverfisráðs Raufarhafnar:
Liður 1:
Skipulags- og framkvæmdaráð þakkar fyrir ábendingarnar og tekur undir áhyggjur hverfisráðs um þá fokhættu sem skapast af húsum á SR-lóðinni.

Liður 3:
Skipulags- og framkvæmdaráð felur sviðsstjóra skipulags- og umhverfissviðs að funda með Félagi æðarræktenda á Melrakkasléttu.

Liður 6:
Skipulags- og framkvæmdaráð felur sviðsstjóra skipulags- og umhverfissviðs að hafa samband við eiganda hússins og kanna framtíðaráform viðkomandi varðandi eignina.

Liður 7:
Hverfisráð Raufarhafnar mun fá viðbrögð við athugasemdum sínum, er varða vinnu við aðalskipulag Norðurþings, þegar þau liggja fyrir.

Byggðarráð vísar liðum nr. 1,3,6 og 7 til umfjöllunar í skipulags- og framkvæmdaráði.
Byggðarráð vísar lið nr. 2 til umfjöllunar í fjölskylduráði.
Byggðarráð vísar lið nr. 5 til stjórnar Hafnasjóðs.
Byggðarráð hafnar beiðni í lið nr. 4.

Rekstrarstjóri var á fundi í síðustu viku á Raufarhöfn þar sem farið var yfir komu þeirra skemmtiferðaskipa sem boðað hafa komu sína til Raufarhafnar í sumar og rætt var við hagaðila í samfélaginu. Rétt er að benda á að hér er verið að taka fyrstu skrefin í komu skemmtiferðaskipa til Raufarhafnar og mun umfang þessarar starfsemi ráðast á næstu árum.

Fjölskylduráð vísar í að samningur við Félag eldri borgara á Raufarhöfn mun renna út um áramót og viðræður um nýjan samning munu eiga sér stað milli félagsmálastjóra og Félags eldri borgara á Raufarhöfn á haustdögum.

Byggðarráð þakkar fyrir erindið.

Ráðið hvetur þá aðila sem hafa látið sig málið varða að koma með hugmyndir um framtíð Hnitbjarga á Raufarhöfn.

Lagt fram til kynningar.

Umsögn Hverfisráðs vegna mögulegs vindorkuvers á Hólaheiði er þegar til umsagnar vegna aðalskipulags Norðurþings.

Erindi nr. 3: Vísað til skipulags og- framkvæmdaráðs.
Erindum nr. 4 og 5: Vísað til Orkuveitu Húsavíkur.

Nú þegar hefur verið óskað eftir fjárframlagi til úrbóta á umræddum vegarkafla, þ.e. frá Raufarhafnarkirkju upp að Raufarhafnarvita. Erindið miðar að því að tryggja fjármagn til að keyra efni í veginn og bæta ástand hans, með það að markmiði að auka öryggi, bæta aðgengi og efla upplifun gesta og íbúa.

Málið er því þegar komið í farveg og verður fylgt eftir þegar afgreiðsla liggur fyrir.

Byggðarráð vísar lið nr. 1 í fundargerð Hverfisráðs til umfjöllunar í fjölskylduráði.
Byggðarráð vísar liðum nr. 2 og 3 í fundargerð Hverfisráðs til umfjöllunar í skipulags- og framkvæmdaráði og liður nr. 3, einnig til Orkuveitu Húsavíkur.

Fjölskylduráð leggur til að fundað verði með stjórn Félags eldri borgara á Raufarhöfn um mál 1. í fundargerð Hverfisráðs Raufarhafnar.

Ágúst óskar bókað:
Þann 12. maí 2026 fundaði Hverfisráð Raufarhafnar (Nanna Steina Höskuldsdóttir, Einar Sigurðsson og Margrét Rögnvaldsdóttir) um skipulag þjónustu fyrir eldri borgara á Raufarhöfn. Þar lýsa þau undrun sinni á skipulagi þjónustu við aldraða á svæðinu. Skv. ályktun þeirra var ekkert samráð við notendur, íbúa eða starfsmenn eða stjórnendur DA sf. sem hafa sinnt þjónustu á svæðinu.
Með ákvörðun Fjölskylduráðs frá janúar 2026 er komið mikið og flókið þjónustunet fyrir 67 ára og eldri á Kópaskeri og Raufarhöfn, þar sem þrír mismunandi aðilar koma að þjónustunni fyrir fáa notendur á dreifbýlu svæði.
Á Kópaskeri er DA sf. með dagdvöl, matarsölu og tómstundarstarfsemi alla virka daga í Stóru ? Mörk húsnæði Norðurþings (DA) á Kópaskeri. Auk þess verður frá september n.k. í boði tómstundarstarf fyrir eldri borgara í grunnskólanum á Kópaskeri, einn dag í viku. Heildarfjöldi notenda þjónustunnar eru 2-12 daglega. Auk þess er FEBÖ með sína félagsstarfsemi.
Á Raufarhöfn verður DA sf. með dagdvöl og matarsölu í Vík. FEBR verður með sína starfsemi í húsnæði félagsins í Breiðabliki 1-2 daga í viku. Auk þess verður frá september n.k. í boði tómstundarstarf fyrir eldri borgara í grunnskólanum á Raufarhöfn einn dag í viku. Heildarfjöldi notenda þjónustunnar er 3-12 daglega.
Þessi nýja þjónusta á vegum Norðurþings var skipulögð og ákveðin án samstarfs við notendur, íbúa, starfsmenn stjórn eða stjórnendur DA sf. og aðra hagaðila.
Við skipulags þjónustunnar er ekki tekið tillit til óska þjónustuhópsins. Notendur á Kópaskeri vilja gjarnan nýta sitt glæsilega sérbyggða félags- og tómstundarhúsnæði (250 ferm.) í Stóru-Mörk og notendur á Raufarhöfn vilja nýta sína félags- og tómstundaaðstöðu í Breiðabliki. Mikið framlag hefur verið frá hópnum og öðrum íbúum á Raufarhöfn til uppbyggingar húsnæðisins í samvinnu við fyrri sveitarstjórn Norðurþings.
Hin nýja þjónusta Norðurþings mun kosta á árinu 2026 stórar fjárhæðir í formi launa, starfskostnaðar og leigu á Grunnskólanum á Kópaskeri og Raufarhöfn. Á árinu verður þessi kostnaður nálægt 8 milljónum, eða um 60.000 fyrir hverja þjónustaða klukkustund (nákv. kostn. liggur ekki fyrir). Óvíst er hversu hentug húsnæði og búnaður fyrir grunnskóla er fyrir starf eldri íbúa.
Stefnur og viðurkenndar aðferðir í skipulagi á þjónustu við eldri íbúa sveitarfélaga felast í ríku samstarfi við notendur og nýta sköpunar- og drifkraft þeirra sem mest og best.
Mat undirritaðs er að hægt sé í góðu samstarfi við notendur á Kópaskeri og Raufarhöfn, stjórn og starfsfólk Dvalarheimilis aldraðra sf. (DA) að skipuleggja þessa þjónustu á mun hagkvæmari og skilvirkari hátt. Óþarfi er að Norðurþing og DA sf. séu bæði að vasast í sömu þjónustuþáttum. Notendur á fámennum dreifbýlum svæðum og byggðakjörnum þurfa að vera virkir aðilar í skipulagi síns umhverfis og þjónustu, miða þarf skipulag við þarfir þeirra og óskir.


Rebekka, Elísabet, Guðni og Ann- Charlotte óska bókað:
Málið sem liggur fyrir fundinum er erindi frá hverfisráði Raufarhafnar og varðar ekki félagsstarf í Stóru Mörk á Kópaskeri. Fyrir liggur að eiga samtal við Félag eldri borgara á Raufarhöfn líkt og kemur fram í bókun hér að ofan.

Skipulags- og framkvæmdaráð þakkar fyrir ábendingar sem verða hafðar til hliðsjónar við fjárhagsáætlunargerð næsta árs.

Stjórn Orkuveitu Húsavíkur þakkar erindið og vekur athygli á að vinna er í gangi við að endurnýja fráveitu ásamt því að fækka útrásum.