Byggðarráð Norðurþings

Á fund byggðarráðs koma Nanna Steina Höskuldsdóttir og Einar Ingi Einarsson og kynna verkefnið Brothættar byggðir. Verkefnið miðar að því að efla samfélagið með víðtæku samráði, virkja krafta íbúa og styðja við jákvæða byggðaþróun. Verkefnin eru tvö hér á okkar svæði: Raufarhöfn og framtíðin, og Öxarfjörður í sókn. Þetta tilraunaverkefni sem nú er í gangi snýr fyrst og fremst að styrkjaúthlutun, ráðgjöf og utanumhaldi þeirra.

Fyrir byggðarráði liggur til umræðu fjárhagsáætlun vegna ársins 2027 og þriggja ára þar á eftir.

Á 167. fundi sveitarstjórnar var eftirfarandi bókað: Fulltrúar meirihluta í sveitarstjórn leggja til að hafin verið vinna við mótun og undirbúning innleiðingar reglna um eftirfylgni og viðbrögð við frávikum fjárhagsáætlunar. Markmið með slíkum reglum og vinnulagi er að auka faglegan aga og eftirfylgni með því að skilgreina skýr viðbrögð ef útgjöld eða rekstur sveitarfélagsins víkja frá samþykktum áætlunum. Lagt er til að reglurnar verði tilbúnar til afgreiðslu á síðasta sveitarstjórnarfundi ársins og innleiddar samhliða fjárhagsáætlun ársins 2027. Lagt er til að málinu sé vísað til byggðarráðs til úrvinnslu. Helena Eydís Ingólfsdóttir D lista Þorsteinn Snævar Benediktsson D lista Kjartan Páll Þórarinsson S lista Agnieszka Szczodrowska S lista Eysteinn Heiðar Kristjánsson B lista Bylgja Steingrímsdóttir B lista Ómar Gunnarsson Ó lista.
Til máls tóku: Helena og Aldey. Fyrirliggjandi tillaga samþykkt samhljóða.

Verkefnisstjórn 6. áfanga rammaáætlunar hefur flokkað sjö vindorkuverkefni og sett tillögu sína ásamt skýrslu og fylgisskjölum í 12 vikna samráð í samráðsgátt stjórnvalda. Sjá hér: https://island.is/samradsgatt/mal/4349

Á 243. fundi skipulags- og framkvæmdaráðs var eftirfarandi bókað: Skipulags- og framkvæmdaráð felur sviðsstjóra skipulags- og umhverfissviðs að vinna viðauka að upphæð 4 m. kr. við gildandi fjárhagsáætlun og taka tilboði frá Eflu í verkið.

Fyrir byggðarráði liggur ósk um fjárstuðning til starfsemi Stígamóta vegna ársins 2027.

Innviðaráðuneytið hefur birt tillögur um viðmið um sjálfbæra þróun sveitarfélaga í samráðsgátt stjórnvalda til umsagnar. Í tillögunum eru sett fram 30 mælikvarðar og skilgreind viðmið sem gefa til kynna hvort sveitarfélög hafi nauðsynlegar forsendur til að þróast með sjálfbærum hætti til lengri tíma. Vonir standa til að viðmiðin og mælaborðið nýtist sem leiðsögn og tæki fyrir gagnadrifna stefnumótun og ákvarðanatöku fyrir sveitarfélög til langs tíma.

Hægt er að senda inn umsögn til og með 13. nóvember nk.

Fyrir byggðarráði liggur fundargerð 1003. fundar stjórnar Sambands Íslenskra sveitarfélaga frá 23. september sl.

Fyrir byggðarráði liggur fundargerð 1004. fundar stjórnar Sambands Íslenskra sveitarfélaga frá 8. október sl.

Fyrir byggðarráði liggur 7. fundargerð stjórnar Markþings frá 14. október sl.

Fyrir byggðarráði liggur fundargerð frá stjórnarfundi DA sf. sem haldin var 12. október sl. ásamt fylgigögnum.

Umhverfis- og samgöngunefnd Alþingis sendir til umsagnar 156. mál frumvarp til laga um breytingu á lögum um Byggðastofnun, nr. 106/1999 (lagfæringar). Frestur til að senda inn umsögn er til og með 22. október nk.

Umhverfis- og samgöngunefnd Alþingis sendir til umsagnar 88. mál tillaga til þingsályktunar um endurskoðun laga um sjávarflóðavarnir, ofanflóðavarnir og náttúruvá.
Frestur til að senda inn umsögn er til og með 27. október nk.

Umhverfis- og samgöngunefnd Alþingis sendir til umsagnar 59. máli frumvarp til laga um breytingu á sveitarstjórnarlögum, nr. 138/2011 (fjöldi fulltrúa í sveitarstjórn).
Frestur til að senda inn umsögn er til og með 27. október nk.

Umhverfis- og samgöngunefnd Alþingis sendir til umsagnar 202. mál, Loftslagslög. Frestur til að senda inn umsögn er til og með 29. október nk.