Byggðarráð Norðurþings
Dagskrá
1.Staða og framtíð slökkviliðs Norðurþings
201603110
Sveitarstjóri fór yfir stöðu mála varðandi uppbyggingu brunavarna í verksmiðju PCC á Bakka.
2.Flutningskerfi raforku á norðausturhorninu
201606010
Fyrir byggðarráði liggur bréf frá Atvinnurþróunarfélagi Þingeyinga þar sem vakin er athygli á að Landsnet sé að kynna matslýsingu vegna umhverfismats kerfisáætlunar 2016-2025. Sveitarstjórnir eru hvattar til að koma á framfæri sjónarmiðum sínum, meðal annars um hvar flutningskerfi raforku á norðausturhorninu er skilgreint.
Byggðarráð lýsir áhyggjum af ófullnægjandi flutningsgetu og afhendingaröryggi flutningskerfis raforku á norðausturhorninu. Mikilvægt að kerfisáætlun 2016-2025 innifeli úrbætur á flutningskerfinu um allt norðausturhornið, allt til Vopnafjarðar.
3.Ársreikningur og ársskýrsla Náttúrustofu Norðausturlands vegna 2015
201605119
Fyrir byggðarráði liggur ársskýrsla og ársreikningur Náttúrustofu Norðausturlands.
Fundargerðin er lögð fram
4.Fundargerðir Eyþings 2016
201603019
Fyrir byggðarráði liggur fundargerð 280. fundar stjórnar Eyþings.
Fundargerðin er lögð fram
5.Umhverfis- og samgöngunefnd: Til umsagnar 785. mál, frumvarp til laga um timbur og timburvöru
201605146
Fyrir byggðarráði liggur til umsagnar frá Umhverfis- og samgöngunefnd Alþingis frumvarp til laga um timbur og timburvöru, 785. mál
Lagt fram til kynningar
6.Sýslumaðurinn á Norðurlandi eystra óskar eftir umsögn um nýtt rekstrarleyfi vegna Olíuverslunar Íslands Húsavík
201606004
Fyrir byggðarráði liggur beiðni frá Sýslumanninum á Norðurlandi eystra um umsögn vegna nýs rekstrarleyfi til handa Sigríði Hrefnu Hrafnkelsdóttur vegna Olíuverslunar Íslands á Húsavík.
Byggðarráð veitir erindinu jákvæða umsögn
7.Félagsfundur SFV föstudaginn 3. júní
201606007
Fyrir byggðarráði liggur bréf frá Sambandi íslenskra sveitarfélaga varðandi félagsfund SFV sem haldinn er 3. júní nk.
Lagt fram til kynningar
8.Þeistareykjalína 1: Stöðvun framkvæmda til bráðabirgða.
201605136
Fyrir byggðarráði liggur bréf frá Úrskurðarnefnd umhverfis- og auðlindamála þar sem kynnt er kæra frá Landvernd, dags 26. maí 2016, þar sem kærð er ákvörðun sveitarstjórnar Norðurþings um að fela skipulagsfulltrúa að gefa út framkvæmdaleyfi til Landsnets hf. fyrir framkvæmdinni Þeistareykjalína 1. Í kærunni er gerð krafa um stöðvun framkvæmda til bráðabirgða.
Sveitarstjóra er falið að ganga frá máli í samráði við Garðar Garðarsson lögmann sveitarfélagsins.
Fundi slitið - kl. 19:50.
