Byggðarráð Norðurþings
Dagskrá
1.Fjárhagsleg endurskipulagning innan samstæðu Norðurþings
201702151
Um nokkurt skeið hefur verið unnið að fjárhagslegri endurskipulagningu innan samstæðu Norðurþings m.t.t. lána Orkuveitu Húsavíkur, fjárþarfar hafnasjóðs Norðurþings og skuldbindingar sjóðsins við aðalsjóð sveitarfélagsins. Minnisblað og gögn um færar leiðir til endurskipulagningarinnar verða lagðar fram á fundinum. Gestir fundarins verða Róbert Ragnarsson, ráðgjafi og Ragnar Jónsson, endurskoðandi hjá Deloitte.
Á fundinn mættu Róbert Ragnarsson, ráðgjafi og Ragnar Jóhann Jónsson, endurskoðandi hjá Deloitte og fóru yfir útfærslur í tengslum við fjárhagslega endurskipulagningu. Sveitarstjóra falið að vinna áfram að málinu.
2.Niðurlagning og afskráning Hótels Norðurljósa kt. 610780-0169
201702146
Norðurþing hefur nú selt Hótel Norðurljós á Raufarhöfn. Í bókum sveitarfélagsins er kennitala og heiti gamals félags sem ekki hefur verið notuð um margra ára skeið. Skv. kaupsamningi skal Norðurþing leggja þessa kennitölu niður og afskrá hana þannig að nafnið Hótel Norðurljós verði tiltækt fyrir kaupanda til notkunar að vild.
Byggðarráð samþykkir niðurlagningu og afskráningu kenntölunnar.
3.Auglýsing eftir framboðum í stjórn Lánasjóðs sveitarfélaga 2017
201702074
Fyrir byggðarráði liggur bréf dags. 10. febrúar sl. frá Lánasjóði sveitarfélaga. Þar er auglýst eftir framboðum í stjórn Lánasjóðs sveitarfélaga, en aðalfundur er áformaður 24. mars nk. Óskað er eftir að framboðum verði skilað ekki síðar en mánudaginn 27. febrúar nk.
Bréfið er lagt fram.
4.Hvalasafnið - fasteignagjöld
201702048
Þessu máli var frestað á síðasta fundi byggðarráðs og sveitarstjóra falið að afla frekari gagna varðandi niðurfellingu fasteignaskatts.
Óli Halldórsson vék af fundi undir þessum lið.
Gunnlaugur óskar bókað:
"Ég er á móti því að söfn fái niðurfellda fasteignaskatta sína. En ef að sveitarfélaginu skv. lögum ber að fella niður skattinn þá samþykki ég þá niðurfellingu og legg til að niðurfelling skattsins verði færð sem styrkur til safnsins".
Jónas og Olga taka undir bókun Gunnlaugs.
Byggðarráð samþykkir niðurfellingu fasteignaskatts á Hvalasafnið á Húsavík.
Gunnlaugur óskar bókað:
"Ég er á móti því að söfn fái niðurfellda fasteignaskatta sína. En ef að sveitarfélaginu skv. lögum ber að fella niður skattinn þá samþykki ég þá niðurfellingu og legg til að niðurfelling skattsins verði færð sem styrkur til safnsins".
Jónas og Olga taka undir bókun Gunnlaugs.
Byggðarráð samþykkir niðurfellingu fasteignaskatts á Hvalasafnið á Húsavík.
5.Staðgreiðsluuppgjör 2016 frá Sambandi íslenskra sveitarfélaga
201702076
Fyrir byggðarráði liggur til kynningar staðgreiðsluuppgjör sveitarfélaga fyrir árið 2016.
Uppgjörið er lagt fram.
6.Umhverfis- og samgöngunefnd: Til umsagnar 128. mál, frumvarp til laga um farþegaflutninga og farmflutninga
201702079
Fyrir byggðarráði liggur til umsagnar 128. mál, frumvarp til laga um farþegaflutninga og farmflutninga.
Lagt fram.
7.Atvinnuvega- og nýsköpunarráðuneytið: beiðni um upplýsingar vegna stefnumótunar í fiskeldi.
201702110
Fyrir byggðarráði liggur bréf frá Atvinnuvega- og nýsköpunarráðuneytinu þar sem farið er fram á upplýsingar vegna stefnumótunar í fiskeldi.
Byggðarráð felur sveitarstjóra að vinna drög að svari til Atvinnuvega- og nýsköpunarráðuneytisins.
8.Kvíabekkur endurbygging
201403053
Á 13. fundi framkvæmdanefndar var eftirfarandi bókað:
"Framkvæmdanefnd leggur til að sveitarstjórn taki málið fyrir varðandi notkun og framtíðaráform með húsið og kalli jafnframt eftir minnisblaði frá starfshópi sem nefndin hefur áður skipað."
"Framkvæmdanefnd leggur til að sveitarstjórn taki málið fyrir varðandi notkun og framtíðaráform með húsið og kalli jafnframt eftir minnisblaði frá starfshópi sem nefndin hefur áður skipað."
Byggðarráð telur mikilvægt að ákvarðanir um framtíðarnýtingu Kvíabekks verði ræddar út frá menningarlegu sjónarhorni. Málinu vísað til æskulýðs- og menningarnefndar og lagt til að haft verði samráð við þá aðila sem komið hafa að uppbyggingu Kvíabekks og Skrúðgarðsins.
9.Sýslumaðurinn á Norðurlandi eystra óskar eftir umsögn vegna rekstrarleyfis að Laxhúsum, Laxamýri 2.
201702067
Sýslumaðurinn á Norðurlandi eystra óskar eftir umsögn til handa Mjósundi ehf. kt. 470604-2390 vegna rekstrarleyfis að Laxhúsum, Laxamýri 2, 641 Húsavík.
Byggðarráð veitir jákvæða umsögn.
10.Sýslumaðurinn á Norðurlandi eystra óskar eftir umsögn vegna rekstrarleyfis að Laugarholti 3a, Húsavík
201702101
Sýslumaðurinn á Norðurlandi eystra óskar eftir umsögn til handa Bergþóri Arnarsyni kt. 081093-3189 vegna rekstrarleyfis að Laugarholti 3a - Apartment, 640 Húsavík.
Byggðarráð frestar afgreiðslu sinni þar til skipulags- og umhverfisnefnd hefur afgreitt málið af sinni hálfu.
11.Sýslumaðurinn á Norðurlandi eystra óskar eftir umsögn vegna rekstrarleyfis að Víkurbraut 20, Raufarhöfn
201702107
Sýslumaðurinn á Norðurlandi eystra óskar eftir umsögn til handa Líneyju Helgadóttur kt. 220649-3509 vegna rekstrarleyfis að Víkurbraut 20, Raufarhöfn.
Byggðarráð frestar afgreiðslu sinni þar til skipulags- og umhverfisnefnd hefur afgreitt málið af sinni hálfu.
12.Dvalarheimili aldraðra - Hvammur, fundargerðir 2017
201702089
Fyrir byggðarráði liggja til kynningar fundargerðir DA frá 12. desember 2016 og frá 30. janúar 2017.
Fundargerðirnar eru lagðar fram.
Fundi slitið - kl. 18:05.
