Fara í efni

Félagsmálanefnd

11. fundur 07. mars 2017 kl. 14:00 - 15:30 í stjórnsýsluhúsi Norðurþings
Nefndarmenn
  • Kolbrún Ada Gunnarsdóttir formaður
  • Sif Jóhannesdóttir aðalmaður
  • Anna Ragnarsdóttir aðalmaður
  • Örlygur Hnefill Örlygsson varaformaður
  • Hróðný Lund aðalmaður
  • Dögg Káradóttir félagsmálafulltrúi
  • Díana Jónsdóttir Ritari
Starfsmenn
  • Margrét Hólm Valsdóttir
Fundargerð ritaði: Díana Jónsdóttir ritari
Dagskrá

1.Jafnréttis-og framkvæmdaáætlun Norðurþings 2014-2018

Málsnúmer 201607309Vakta málsnúmer

Á síðasta fundi nefndarinnar var farið yfir hvern lið í jafnréttis- og framkvæmdaáætlun Norðurþings 2014-2018. Ákveðið var að kalla eftir upplýsingum um stöðu verkefna frá ábyrgðaraðilum sem skilgreindir eru inni í áætluninni.
Nefndin hefur fengið upplýsingar frá tómstunda-og æskulýðsfulltrúa, hafnanefnd og skrifstofustjóra. Sveitarstjóri og skrifstofustjóri komu inn á fund og gerðu grein fyrir þeim spurningum sem nefndin sendi til þeirra eftir seinasta fund. Á næsta fundi félagsmálanefndar munu þau leggja fram drög að áætlun varðandi greiningu á launum og starfskjörum ásamt greiningu á endurmenntun/símenntun og starfsþjálfun starfsmanna Norðurþings.

2.Erindisbréf félagsmálanefndar 2016

Málsnúmer 201603036Vakta málsnúmer

Félagsmálastjóri kynnir breytingar á erindisbréfi nefndarinnar.
Gerðar voru leiðréttingar á erindisbréfi nefndarinnar hvað varðar heiti nefnda og nýrra laga sem tóku gildi um sl. áramót. Félagsmálanefnd leggur til við sveitarstjórn að erindisbréfið verði samþykkt.

3.Samningur um félags- og tómstundastarf milli Norðurþings og Félags eldri borgara á Húsavík 2017

Málsnúmer 201703013Vakta málsnúmer

Félagsmálastjóri kynnir drög að þjónustusamningi milli Norðurþings og Félags eldri borgara á Húsavík.
Nefndin fjallar um samningsdrögin, felur félagsmálastjóra að útfæra samninginn nánar og funda í kjölfarið með stjórn Félags eldri borgara á Húsavík.

Fundi slitið - kl. 15:30.