Jafnréttis-og framkvæmdaáætlun Norðurþings 2014-2018

Heildarmyndin er góð og vonast nefndin til að markvisst verði dregið úr kynjahalla í nefndum sveitarfélagsins í samræmi við ákvæði um skipan í nefndir, stjórnir og ráð í jafnréttisstefnu sveitarfélagsins.

Félagsmálanefnd ákveður að verja febrúarfundi í vinnu við jafnréttis- og framkvæmdaáætlun Norðurþings 2014-2018 og felur félagsmálastjóra að senda erindi til annarra nefnda Norðurþings til að árétta hlutverk þeirra í samþykktri jafnréttis- og framkvæmdaáætlun Norðurþings.

Lagt fram til kynningar.

Nefndin fór yfir hvern lið í jafnréttis- og framkvæmdaáætlun Norðurþings 2014-2018. Ákveðið var að kalla eftir upplýsingum frá ábyrgðaraðilum sem eru skilgreindir inni í áætluninni og fá þá inn á fund til að gera grein fyrir stöðu verkefna sem þeim hafa verið falin. Nefndin leggur ríka áherslu á að gerð verði úttekt á launum og starfskjörum starfsmanna Norðurþings með tilliti til kynbundins launamunar. Nefndin kallar því sveitarstjóra og starfsmannastjóra inn á næsta fund nefndarinnar til að ræða framkvæmd úttektarinnar.

Lagt fram til kynningar.

Nefndin hefur fengið upplýsingar frá tómstunda-og æskulýðsfulltrúa, hafnanefnd og skrifstofustjóra. Sveitarstjóri og skrifstofustjóri komu inn á fund og gerðu grein fyrir þeim spurningum sem nefndin sendi til þeirra eftir seinasta fund. Á næsta fundi félagsmálanefndar munu þau leggja fram drög að áætlun varðandi greiningu á launum og starfskjörum ásamt greiningu á endurmenntun/símenntun og starfsþjálfun starfsmanna Norðurþings.

Nefndin þakkar fyrir þær upplýsingar sem henni hefur borist og ítrekar við fræðslufulltrúa og skipulags-og byggingarfulltrúa að skila inn umbeðnum upplýsingum. Félagsmálastjóra er falið að fylgja málinu eftir.

Nefndinni hafa borist þau gögn sem upp á vantaði.

Nefndin felur félagsmálastjóra að ganga frá tillögu að Jafnréttis- og framkvæmdaáætlun fyrir næsta fund.