Fræðslu- og menningarnefnd Norðurþings

Handbókin lögð fram til kynningar. Fræðslu- og menningarnefnd leggur áherslu á að grunnskólar innan sveitarfélagsins kynni sér handbókina og starfi samkvæmt henni. Telji stjórnendur einstakra skóla að aðlaga þurfi handbókina þeirra starfsemi ber þeim að gera tillögur þar um í samvinnu við fræðslu- og menningarfulltrúa og leggja fyrir nefndina til staðfestingar.

Fræðslu- og menningarnefnd samþykkir fyrirliggjandi tillögur að verklagsreglum vegna leik- og grunnskóla og vísar þeim til staðfestingar bæjarstjórnar.

Bæjarstjórn vísaði málinu aftur til fræðslu- og menningarnefndar.

Fræðslu- og menningarnefnd felur formanni nefndarinnar og fræðslu- og menningarfulltrúa í samráði við bæjarstóra að taka upp viðræður við önnur sveitarfélög í Þingeyjarsýslum um fyrirkomulag sérfræðiþjónustu við skóla.

Í ljósi þröngrar fjárhagsstöðu lista- og menningarjsóðs samþykkir fræðslu- og menningarnefnd að úthlutun úr sjóðunum verði einungis ein á þessu ári. Úthlutað verði í október að undangenginni auglýsingu.

Farið yfir fyrirliggjandi drög að menningarstefnu. Fræðslu- og menningarfulltrúa falið að uppfæra drögin í samræmi við umræður á fundinum og leggja fyrir næsta fund nefndarinnar.