Fræðslu- og menningarnefnd Norðurþings

Dagmæður á Húsavík hafa sagt upp samningi við sveitarfélagið frá og með 1. október 2013.

Fulltrúar leikskólans Grænuvalla Sigríður Valdís Sæbjörnsdóttir leikskólastjóri, Aðalbjörg Friðbjarnardóttir aðstoðarleikskólastjóri, Lilja Sigurðardóttir fulltrúi starfsmanna og Edda Björg Sverrisdóttir fulltrúi foreldra mættu á fundinn.Yfirlit yfir barnafjölda og vistunarpláss lagt fram. Þörfum fyrir vistunarrými er fullnægt og svigrúm til að taka við börnum á leikskólann Grænuvelli.

Leikskólastjóri kynnti rekstarkerfið Völu sem heldur heildstætt utanum rekstur leikskóla. Fræðslu- og menningarnefnd samþykkir að leikskólinn taki upp kerfið enda rúmist það innan fjárhagsramma leikskólans. Leikskólastjóra og fræðslu- og menningarfulltrúa falið að fylgja málinu eftir.

Fulltrúar Borgarhólsskóla Þórgunnur R. Vigfúsdóttir skólastjóri, Sólveig Mikaelsdóttir og Kolbrún Ada Gunnarsdóttir fulltrúar kennara mættu á fundinn undir þessum lið.Skólastjóri greindi frá stöðu framkvæmda við mötuneyti Borgarhólsskóla, framkvæmd er á áætlun. Fræðslu- og menningarnefnd felur skólastjóra að skipuleggja rekstur mötuneytis og auglýsa eftir starfsfólki í samráði við fræðslu- og menningarfulltrúa og bæjarstjóra. Mötuneytið verði rekið sem sérstök bókhaldsdeild á ábyrgð skólastjóra.

Fræðslu- og menningarnefnd samþykkir erindið og felur fræðslu- og menningarfulltrúa að ganga frá samningum við Skútustaðahrepp.

Samningar um skólaakstur lagðir fram til kynningar. Í kjölfar útboðs var samið við Kristinn Rúnar Tryggvason, Fjallasýn Rúnars Óskarssonar hf. og SBA-Norðurleið um akstur á aðalleiðum. Fræðslu- og menningarnefnd minnir á viðmiðunarreglur sveitarfélagsins um skólaakstur og felur fræðslu- og menningarfulltrúa að segja upp eldri samningum um hliðarleiðir. Stefán Leifur Rögnvaldsson vék af fundi við umfjöllun málsins.

Fræðslu- og menningarnefnd felur fræðslu- og menningarfulltrúa að ganga frá viðaukasamningi um akstur leikskólabarna í Öxarfjarðarskóla.

Fræðslu- og menningarnefnd staðfestir að sveitarfélagið mun ekki taka þátt í kostnaði við ferðir starfsmanna skóla með skólabifreiðum.

Lagt fram til kynningar.

Fræðslu- og menningarfulltrúi gerði grein fyrir gangi mála. Verið er að endurskoða rýmingaráætlanir allra stofnana sem heyra undir nefndina og koma á skipulögðum brunaæfingum.

Ábending Mennta- og menningarmálaráðuneytis um fyrirkomulag og framkvæmd íþróttakennslu í grunnskólum lögð fram til kynningar.