Fasteignir Norðurþings 2014

Fyrir framkvæmda- og hafnanefnd liggja erindi vegna brunavarna á eigum sveitarfélagsins frá Slökkviliðsstjóra Norðurþings. Erindin varða Félagsheimilið Hnitbjörg á Raufarhöfn, Hótel Norðurljós á Raufarhöfn og grunnskólann í Lundi. Um er að ræða skýrslur vegna úttektar og ábendingar um lagfæringar. Umsjónarmaður fasteinga f.h. Eignasjóðs Norðurþings hefur unnið að samantekt á kostnaði við lagfæringar og mun skila greinagerð þegar kostnaðarmat liggur fyrir og leggja fyrir fundinn að nýju.

Farið yfir ýmis málefni tengd fasteignum Norðurþings. Hjálmar Bogi lagði fram ábendingu um að sumar stofnanir sveitarfélagins eru ekki merktar sveitarfélaginu. Framkvæmda- og hafnanefnd felur f&þ fulltrúa að taka saman kostnað við merkingar á þeim stofnunum sveitarfélagins sem ómerktar eru og leggja fyrir nefndina tillögur að merkingum ásamt kostnaðaráætlun.

Nefdin felur umsjónarmanni fasteigna að setja lausa íbúð Norðurþings að Garðarsbraut 83 í söluferli.

Kynnt var bréf sem sent verður til leigutaka Norðurþings sem eru á almennum leigumarkaði vegna markmiðs sveitarfélagsins um sölu fasteigna og farið yfir eignir í eigu sveitarfélagsins og ástand þeirra. Nefndin samþykkir bréfið með áorðnum breytingum.

Umsjónamaður fasteigna lagði til sölu á íbúð að Garðarsbraut 83 á Húsavík. Nefndin samþykkir söluna.

Umsjónamaður fasteigna lagði fram lista yfir íbúðir sem skal selja. Nefndin samþykkir listann enda fáist viðunandi verð fyrir eignirnar.

Nefndin samþykkir að leigusamningar íbúða verði samræmdir. Í því felst að öllum samningum veður sagt upp, þeir samræmdir og endurnýjaðir.

Sveinn Birgir Hreinsson, umsjónarmaður fasteigna sat fundinn undir þessum lið.

Sólbr. 28, Húsavík
Umsjónarmanni fasteigna falið að gera verkáætlun um uppbyggingu á fasteigninni í samræmi við brunvarnaráætlun og kostnaráætlun á heildarverkinu.

Sorptunnuskýli
Ljóst er að koma þarf upp sorptunnuskýlum við fjölbýlishús á Húsavík. Húsfélög eru hvött til að hafa samband við umsjónarmann fasteigna Norðurþings um mismunandi lausnir og útfærslur á byggingu skýla.

Erindinu er hafnað.

Bæjarráð mælir á móti því að leigjendur hafi forkaupsrétt við sölu íbúða sveitarfélagsins.