Viðhaldsdýpkun í Kópaskershöfn

Hjálmar Bogi leggur til að óskað verði eftir við siglingasvið Vegagerðarinnar að aftur verði farið í viðhaldsdýpkun á Kópaskeri en í fyrra var dýpkað en sú framkvæmd hefur ekki reynst fullnægjandi. Framkvæmda- og hafnanefnd felur starfsmanni að fylgja beiðninni eftir.

Kristján Þór Magnússon bæjarstjóri fór yfir stöðu málsins. Fyrir liggur að skipa á sérstaka hafnarstjórn Norðurþings og mikilvægt að hún geri könnun á stöðu hafna sveitarfélagsins og gjaldskrám og geri í framhaldi samanburð við nærliggjandi hafnir.

Fyrir bæjarráð mætti Tryggvi Jóhannsson, hafnarsstjóri Norðurþings, og fór yfir málefni Kópaskershafnar og alvarlega fjárhagsstöðu hafnarsjóðs. Erindið verður tekið fyrir á fundi framkvæmda- og hafnarnefndar.

Samkvæmt gildandi lögum þarf hafnasjóður að vera með jákvæða framlegð eða fullnýta sína gjaldamöguleika. Það er hvorugt í tilfelli hafnarsjóðs Norðurþings. Því mun Vegagerðin ekki koma að framkvæmdum með sveitarfélaginu. Fara þarf vandlega yfir stöðu hafnarsjóðs. Nefndin ítrekar ósk sína til bæjarstjórnar um skipun sérstakrar hafnarstjórnar.