Tilraunaverkefni um uppbyggingu í húsnæðismálum á landsbyggðinni

Samþykkt hefur verið að sveitarfélagið sæki um að gerast aðili að tilraunverkefni í húsnæðismálum sem Íbúðalánasjóður mun hafa veg og vand af. Fyrir fundinum liggja til kynningar vinnuskjöl vegna umsóknarinnar sem send verður Íbúðalánasjóði fyrir 30. september nk.

Fyrir byggðarráði liggur erindi frá Sigrúnu Ástu Magnúsdóttur framkvæmdastjóra greininga- og áætlanasviðs Íbúðalánasjóðs varðandi tillögur félagsmálaráðherra til þess að styrkja húsnæðismarkað á landsbyggðinni.

Til fundar við byggðarráð kemur Eiríkur Haukur Hauksson, framkvæmdastjóri Búfestis og fer yfir stöðuna er varðar samstarf sveitarfélagsins og Búfestis um tilraunverkefni Íbúðalánasjóðs.

Á 304. fundi byggðarráðs Noðurþings kom Eiríkur Haukur Hauksson, framkvæmdastjóri Búfestis, á fund ráðsins og fór yfir stöðuna varðandi samstarf sveitarfélagsins og Búfestis um tilraunavekefni Íbúðalánasjóðs.
Á fundinum var bókað;
Byggðarráð þakkar Eiríki fyrir komuna og felur sveitarstjóra að gera drög að samkomulagi við Búfesti um uppbyggingu íbúða á grunni tilraunaverkefnis Íbúðalánsjóðs.

Fyrir byggðarráði liggja nú drög að samkomulagi Búfestis og Norðurþings.

Nú liggur fyrir að Búfesti hsf. í samstarfi við Faktabygg ætlar sér að reisa 12 nýjar íbúðir, annarsvegar við Grundargarð 2 og hinsvegar við Ásgarðsveg 27 á árinu 2020. Samkomulag um úthlutun lóðanna sem byggði á grunni tilraunaverkefnis Íbúðalánasjóðs í samstarfi við Norðurþing var samþykkt 17. október 2019 og liggur nú fyrir sveitarstjórn til staðfestingar.