Áhyggjur af velferð barna og umferðarhraða

Fyrir fjölskylduráði liggur erindi frá barnaverndarnefnd Þingeyinga sem borist hefur tilkynningar þar sem talsverðar áhyggjur eru hafðar af velferð barna og öryggi þeirra í umferðinni innan þéttbýlis Húsavíkur.

Fyrir skipulags- og framkvæmdaráði liggur erindi frá barnaverndarnefnd Þingeyinga sem borist hafa tilkynningar þar sem talsverðar áhyggjur eru hafðar af velferð barna og öryggi þeirra í umferðinni innan þéttbýlis Húsavíkur.

Fjölskylduráð tók einnig fyrir þetta erindi á 90. fundi sínum og bókaði:
Fjölskylduráð tekur undir þær áhyggjur sem borist hafa Barnaverndarnefnd Þingeyinga og vísar því til skipulags- og framkvæmdaráðs að vinna að úrbótum og tryggja umferðaröryggi á þeim stöðum sem tilteknir eru í erindinu; umferð um Fossvelli og í nágrenni við leikskólann og neðri hluta Baughóls (Bóbabrekku).

Fyrir liggur tillaga frá lögreglunni á Norðurlandi eystra sem gæti dregið úr slysahættu hjólandi ungmenna á gatnamótum Baughóls og Fossvalla. Eftir að málið hafði verið skoðað af hálfu lögreglunnar á Húsavík og rætt við þau börn sem þarna fara um á hverjum degi, virðist að mati lögreglu sem skynsamlegasta lausnin felist í því að færa gangbrautina austan við gatnamót Fossvalla og Baughóls og ráðast samhliða í frágang neðsta hluta gangstéttar austan megin í Bóbabrekkunni svo hún verði fær hlaupahjólum og gangandi umferð að Fossvöllum.

Eftir ábendingar lögreglu sem teknar voru fyrir á 102. fundi skipulags- og framkvæmdaráðs 20. júlí 2021 fól ráðið framkvæmda- og þjónustufulltrúa að vinna kostnaðar- og verkáætlun og leggja fyrir ráðið í ágúst.