Framkvæmdaáætlun Náttúruminjaskrár; Norðurþing

Fyrir ráðinu liggur kynning Umhverfisstofnunar á framkvæmdaáætlun náttúruminjaskrár B-hluta: Framkvæmdaáætlun til næstu fimm ára yfir þær náttúruminjar sem Alþingi hefur ákveðið að setja í forgang um friðlýsingu eða friðun á næstu fimm árum.

Innan Norðurþings er tillögusvæðið norður Melrakkaslétta, sem er hluti af tillögusvæðinu Melrakkaslétta, sem er lagt til af Náttúrufræðistofnun Íslands vegna vistgerða og fugla. Svæðið er hluti af alþjóðlega mikilvægu fuglasvæði Melrakkasléttu.

Fyrir skipulags- og framkvæmdaráði liggur fyrir tillaga að framkvæmdaáætlun náttúruminjaskrár sem er í kynningarferli. Umhverfisstofnun hefur óskað umsagnar Norðurþings um áætlunina.

Fyrir byggðarráði liggur erindi frá umhverfisstofnun, sem auglýsir til umsagnar tillögu að framkvæmdaáætlun náttúruminjaskrár í samræmi við 2. mgr. 26. gr. laga nr. 60/2013 um náttúruvernd.

Á 457. fundi byggðarráðs var lagt fram erindi Umhverfisstofnunar vegna tillögu að framkvæmdaáætlun náttúruminjaskrár í samræmi við 2. mgr. 26. gr. laga nr. 60/2013 um náttúruvernd.

Byggðarráð fól sveitarstjóra að afla gagna og leggja fyrir ráðið að nýju frekari upplýsingar um áhrif á tillögusvæðið Norður-Melrakkasléttu.

Samkvæmt afmörkun svæðisins er ekkert af landi Norðurþings innan tillögusvæðis Umhverfisstofnunar. Þá liggur fyrir að nokkrir landeigendur á tillögusvæðinu hafa óskað eftir því að þeirra lönd verði tekin út úr tillögunni og tekið verði tillit til þess í vinnu við endurskoðun aðalskipulags Norðurþings.

Umhverfisstofnun hefur óskað umsagnar Norðurþings um framkvæmdaáætlun náttúruminjaskrár en frestur til að skila athugasemdum er til og með 19. apríl 2024.
Skipulags- og framkvæmdaráð bókaði á 182. fundi að málið yrði tekið fyrir að nýju eftir kynningarfundi Umhverfisstofnunar, sem haldnir voru í mars á Tjörnesi og Raufarhöfn.
Landeigendur á Melrakkasléttu og Æðarræktarfélag Norðausturlands hafa sent ráðinu erindi og kalla eftir stuðningi Norðurþings gegn áformum Umhverfisstofnunar.