Orkuveita Húsavíkur ohf

Ragnar Ásmundsson frá Varmalausnum - Heat RD á Akureyri kynnir fyrir stjórn OH þær hugmyndir og þá samstarfsaðila sem eru innanborðs varðandi verkefnið að koma orkustöðinni í gang aftur.

Snæbjörn Sigurðarson fer yfir stöðu mála hjá Sjóböðum ehf og áætlanir varðandi uppbyggingu aðstöðunnar á Höfðanum.

Þegar stjórn Hvalasafnsins ákvað að láta grafa út kjallara hússins með það að markmiði að nýta það rými kom í ljós að mikið vatn streymdi fram bakkann og að húsinu. Vegna fyrirsjáanlegs kostnaðar við að drena í kringum húsið eins og eðlilegast hefði verið að gera var ekki farið í þá framkvæmd, heldur var farið í fráveituframkvæmdir innanhúss til þess að fanga vatnið og koma því í fráveitubrunn sem staðsettur er í "Skansinum".
Fyrir stjórn OH liggur að taka ákvörðun um það hvort Orkuveita Húsavíkur taki þátt í þeim kostnaði sem Hvalasafnið lagði í til þess að beisla vatnið sem skilar sér að húsinu.

Fyrir stjórn Orkuveitu Húsavíkur liggur að taka ákvörðun um hvort veita skuli styrk til byggingar "skate-park" eða "skate-braut" fyrir börn á Húsavík.

Framkvæmdastjóri Orkuveitu Húsavíkur fer yfir stöðu þeirra framkvæmda sem orkuveitan stendur fyrir á árinu.

Nú líður að því að verkfræðistofan Efla skili af sér arðsemisútreikningum vegna mögulegrar yfirtöku OH á vatnsveitu sem er í landi Þverár, en u.þ.b. 4 ár eru síðan eigandi veitunnar bar erindið upp við stjórn OH.
Orkuveita Húsavíkur þarf að leggja í töluverðan kostnað við uppbyggingu veitunnar ef af yfirtökunni verður til þess að hún skili því sem notendur gera eðlilega kröfu um, sérstaklega í ljósi þess að notendum fer fjölgandi og krafan um afhendingaröryggi eykst með tilkomu veiðihúss sem verið er að byggja á svæðinu.
Fyrir stjórn OH liggur að ákveða hvaða leið skuli fara við samningagerð ef af yfirtökunni verður.