Orkuveita Húsavíkur ohf
Dagskrá
Karl V. Halldórsson, Verkstjóri OH og Jón Steindór Árnason, formaður stjórnar Sjóbaða ehf sátu fundinn undir fundarlið nr. 3.
1.Beiðni um gjaldfrítt hitaveituár í úthihúsum á Laxamýri árið 2021
Málsnúmer 202101083Vakta málsnúmer
Fyrir liggur beiðni frá Atla Vigfússyni bónda á Laxamýri þar sem farið er fram á gjaldfrítt hitaveituár í útihúsum á Laxamýri árið 2021.
Stjórn Orkuveitu Húsavíkur ohf. hafnar umræddri beiðni um gjaldfrítt hitaveituár, enda fari innheimta veitugjalda fram til samræmis við afhendingarhitastig hitaveituvatns að útihúsum á Laxamýri.
2.Bilun í stofnlögn neysluvatns við Ásgarðsveg
Málsnúmer 202010177Vakta málsnúmer
Fyrir stjórn Orkuveitu Húsavíkur ohf. liggur að taka afstöðu til afgreiðslu fyrirliggjandi bótakröfu Elliða Hreinssonar vegna vatnstjóns að Ásgarðsvegi 4 sem varð þann 27. sept. sl. í kjölfar bilunar í stofnlögn neysluvatns við Ásgarðsveg.
Stjórn OH hafnar greiðslu bóta með beinum hætti og felur framkvæmdastjóra að leiða málið til lykta með aðkomu tryggingafélags Orkuveitu Húsavíkur ohf.
3.Afhending vatns til Sjóbaða ehf
Málsnúmer 202101084Vakta málsnúmer
Í meðfylgjandi minnisblaði frá Jóni Steindóri Árnasyni, formanni stjórnar Sjóbaða ehf. eru rakin vandamál sem félagið hefur staðið frammi fyrir árið 2020 í tengslum við afhendingu jarðhitavökva úr holu HU-01 að sjóböðum á Höfða.
Karl V. Halldórsson, verkstjóri OH sat fundinn undir þessum fundarlið og Jón Steindór Árnason, formaður stjórnar Sjóbaða ehf. var í síma. Framkvæmdastjóra falið að taka saman stöðu þeirra mála sem þarfnast lausnar og snúa að rekstrarvandamálum í sjóböðum á Höfða vegna gasútskiljunar í jarðhitavökva úr holu HU-01, ásamt mögulegum lausnum til útbóta. Geinargerðinnni skal komið í hendur málsaðila til kynningar innan stjórna Sjóbaða ehf. Framkvæmdastjóra jafnframt falið að láta setja upp "shut-off" loka á fæðilögn HU-01.
4.Tilkynning vegna forkaupsréttar að fölum hlut í Sjóböðum ehf
Málsnúmer 202101088Vakta málsnúmer
Fyrir stjórn Orkuveitu Húsavíkur ohf. liggur að taka afstöðu til forkaupsréttar að fölum hlut í Sjóböðum ehf.
Stjórn Orkuveitu Húsavíkur ohf. hyggst ekki nýta forkaupsrétt félagsins í tengslum við fyrirhugaða sölu á fölum hlut í Sjóböðum ehf.
5.Drög að tilboði varðandi langtíma nýtingu orkuvers OH til raforkuframleiðslu
Málsnúmer 202101085Vakta málsnúmer
Fyrir liggja drög að samkomulagi milli Orkuveitu Húsavíkur ohf. og Varmaorku ehf. vegna nýtingar á orkustöð OH á Húsavík til raforkuframleiðslu úr afgangsvarma sem skilar sér til stöðvarinnar frá nýtingarsvæði OH að Hveravöllum í Reykjahverfi. Óskað er afstöðu stjórnar OH til meðfylgjandi samningsdraga Varamaorku ehf.
Stjórn Orkuveitu Húsavíkur ohf. er ekki tilbúin til þess að samþykkja fyrirliggjandi samningsdrög.
Fundi slitið - kl. 11:00.