Tómstunda- og æskulýðsnefnd Norðurþings

Vinabærinn Álaborg í Danmörku hefur boðið Norðurþingi að taka þátt í Ungmennaleikum haldnir í Álaborg 30.júlí-4.ágúst 2015.

Tómstunda- og æskulýðsnefnd fagnar boðinu og stefnir á að senda þátttakendur á leikana eins og hefð er fyrir.
Tómstunda- og æskulýðsfulltrúa er falið að vinna málið áfram.
Gera verður ráð fyrir fjármagni í verkefnið við gerð fjárhagsáætlunar 2015.

Kjartan Páll Þórarinsson kynnti hugmynd að heilsuræktartækjum vegna almenningsíþrótta.
Hugmyndin er sú að koma upp tækjum við íþróttavellina sem almenningur gæti nýtt sér við heilsurækt.
Tómstunda- og æskulýðsnefnd fagnar erindinu og felur tómstunda- og æskulýðsfulltrúa að kanna kostnað við slíkt og koma með hugmyndir að staðsetningu og útfærslu.

Tómstunda- og æskulýðsnefnd fór yfir þau svör er bárust nefndinni vegna hugmynda að mannvirkjastefnu á sviðinu.
Tómstunda- og æskulýðsnefnd þakkar bréfriturum fyrir svörin.
Nefndin mun fara yfir þau svör sem bárust og vinna út frá þeim.

Tómstunda- og æskulýðsfulltrúi fór yfir úthlutaðan ramma fyrir fjárhagsárið 2015.
Nefndarmenn munu fara nánar yfir úthlutun til málaflokksins miðað við fyrirliggjandi verkefni á árinu 2015.

Tómstunda- og æskulýðsfulltrúi fór yfir verkefni á sviðinu.