Fréttir

Það ætti enginn að þurfa að láta sér leiðast í maí mánuði, framundan er fjölbreytt úrval tónleika á vegum Tónlistarskóla Húsavíkur. Dagskráin er eftirfarandi: Föstudaginn 5. maí kl. 20.30 Halldór Sigurðsson heldur söngtónleika Miðvikud. 10. maí  kl 20, nemendatónleikar Fimmtud. 11. maí kl. 20 nemendatónleikar Laugard. 13. maí. Samkór Húsavíkur ásamt kór frá Mosfellsbæ. Tímasetning auglýst síðarMánud. 15. maí kl. 20 nemendatónleikar Þriðjud. 16. maí. kl. 20 nemendatónleikar Miðvikud. 17. maí kl. 20 nemendatónleikar Sunnudaginn 21. maí, verða haldnir dægurlaga söngtónleikar í Skipasmíðstöðinni, en tímasetning auglýst síðar.

Dagana 6. og 7. maí verður listahátíð yngri barna á Húsavík í Safnahúsinu og íþróttahöllinni á Húsavík. Börn á leikskólum bæjarins og nemendur í 1. til 4. bekk Borgarhólsskóla sýna verk sín og flytja ýmis skemmtiatriði. Þetta er sérstök hátíð sem enginn má missa af.

Frestur til að skila inn framboðslistum fyrir Sveitarstjórnarkosningarnar þann 27. maí 2006, rennur út kl. 12.00 laugardaginn 6. maí   Sameiginleg yfirkjörstjórn, Húsavíkurbæjar, Kelduneshrepps, Öxarfjarhrepps og Raufarhafnarhrepps, tekur á móti framboðslistum fyrir Sveitarstjórnarkosningar n.k. í húsnæði Húsavíkurbæjar að Keltilsbraut 7, Húsavík, milli kl. 10.30 til 12.00 Laugardaginn 6. maí n.k.

Fimmtudaginn 27.apríl útskrifuðuðst elstu nemendur leikskólans Bestabæjar úr skólahóp. Þetta eru 28 börn sem í sumar munu kveðja leikskólann. Af því tilefni var farið í sund, boðið uppá ís og að lokum komið saman í íþróttasal Bestabæjar þar sem nemendur fengu afhentar skólamöppur, útskriftarskjal og rós.

Verkefnisstjórn vegna sameiningar sveitarfélaganna Húsavíkurbæjar, Kelduneshrepps, Öxarfjarðarhrepps og Raufarhafnarhrepps sendi á dögunum 14 tillögur að nafni sameinaðs sveitarfélags til umsagnar hjá Örnefnanefnd, svo sem lög gera ráð fyrir.  Á fundi sínum þann 27. apríl afgreiddi Örnefnanefnd erindið og niðurstaðan varð sú að mæla með þremur tillögum.  Samfara sveitarstjórnarkosningum þann 27. maí n.k. verður því gerð skoðanakönnun þar sem kjósendum sameinaðs sveitarfélags gefst færi á að velja á milli þriggja nafna. Þau eru: Gljúfrabyggð, Norðausturbyggð og Norðurþing.   Verkefnisstjórn vegna sameiningar

Framboðslistar þeirra flokka sem bjóða fram til sveitarstjórna hafa verið birtir. Upplýsingum um framboð í öllum sveitarfélögum má nálgast á síðu Sambands íslenskra sveitarfélaga. Til að sjá framboðslista fyrir nýtt sameinað sveitarfélag í Þingeyjarsýslum má smella hér.

Opnunartími Sundlaugarinnar á næstunni er eftirfarandi: Laugardagur 22. apríl                10.00-18.00 Sunnudagur 23. apríl                 10.00-16.00

FLOKKSSTJÓRAR FYRIR SUMARIÐ 2006.      Þeir sem hafa í hyggju að sækja um flokksstjórastarf hjá Vinnuskóla Húsavíkurbæjar,  sumarið 2006, geri það fyrir 20. apríl 2006. Um er að ræða þrjú störf. Flokksstjóra starfið er gefandi starf þar sem unnið er með ungu fólki.  Flokksstjórar verða að hafa frumkvæði í vinnu og geta unnið sjálfstætt. 

Auglýsir eftir umsjónarfólki með leikjanámskeiðum. Viðkomandi þarf að hafa menntun á sviði uppeldismála. Áhugasamir hafi samband við Svein Hreinsson í síma 892-8533 fyrir 19. apríl 2006.     

Tilkynning  Starfsemi Félags-og skólaþjónustu Þingeyinga  hefur tímabundið flutt  í Stjórnsýsluhúsið við Ketilsbraut 7. – 9. ( Inngangur að sunnanverðu ) Vakin er athygli á breyttu símanúmeri og opnunartíma. Nýtt númer er: 464-6126 Opnunartími nú er frá klukkan 08:30 – 15:30 mánudaga til fimmtudaga, og frá 08:30 – 12: 00 á föstudögum.  

Ársreikningur Húsavíkurbæjar 2005 Ársreikningur Húsavíkurbæjar fyrir árið 2005 var lagður fram til kynningar í bæjarráði í gær.  Rekstur sveitarfélagsins var í megin atriðum í samræmi við áætlun. Afskrift hlutabréfaeignar og reiknuð hækkun lífeyrisskuldbindinga, sem var verulega hærri en áætlun gerði ráð fyrir, setur mark sitt á rekstrarniðurstöðuna. Rekstrartekjur sveitarfélagsins námu 1.374 mkr. og rekstrargjöld 1.456 mkr. en þar af nam reiknuð hækkun lífeyrisskuldbindinga 96 mkr.

Í dag eru starfsmenn í stjórnsýslu, forstöðumenn stofnana og kjörnir fulltrúar í sveitarfélögunum fjórum sem munu sameinast í vor í kynnisferð um nýja sveitarfélagið. Ferðin hófst kl.8.00 í morgun á Húsavík þar sem fulltrúar frá Húsavíkurbæ lögðu af stað áleiðis austur. Ferðinni var heitið til Raufarhafnar þar sem formleg heimsókn hófst kl. 10.00.