Fréttir

Landgræðsla ríkisins hefur um árabil veitt landgræðsluverðlaun til einstaklinga og/eða félaga fyrir störf þeirra að landgræðslumálum. Þau hafa verið afhent á svokölluðum landgræðsludegi landgræðslufélaganna, en þau eru nú 12 víðs vegar um landið.

Sendiherra Svíþjóðar á Íslandi, frú Madeleine Ströje Wilkens afhenti í gær í annað sinn ferðastyrk til handa ungmennum í Norðurþingi. Ferðastyrkurinn er ætlaður til að standa straum af ferðakostnaði ungmenna úr Norðurþingi til Svíþjóðar, styrkupphæðin miðast við að eitt eða tvö ungmenni geti ferðast saman. Fyrir fyrsta ferðastyrkinn sem afhentur var í desember á síðasta ári ferðuðust Ólafía Helga Jónasdóttir og Sara Stefánsdóttir til vinabæjar Húsavíkur, Karlskoga og dvöldu þar í góðu yfirlæti í boði Karlskoga Kommun nokkra daga um mánaðarmótin maí - júní á þessu ári.

Í gær sunnudaginn 22. júlí afhenti Kristján Benediktsson á Þverá, Skinnastaðarkirkju ljósprentaða bók sem ber nafnið Hákonarstaðarbók. Hún er afrituð upp úr galdrabók Einars Nikulásasonar galdrameistara á Sinnastað árið 1845-46 af Pétri yngra Péturssyni á Hákonarstöðum á Jökuldal.    

Leitað er til íbúa með tilnefningu í 3ja manna keppnissveit  sem mun fara fyrir hönd Norðurþings í spurningarkeppni sveitarfélaganna sem byrjar í haust. Viðkomandi aðilar þurfa að vera skemmtilegir og/eða  gáfaðir, en tilgangur keppninnar er að skemmta landsmönnum og að sjálfsögðu að sýna hvaða sveitarfélag ber af í þekkingu. Ef þið hafið einhvern í huga þá vinsamlega komið nafni eða nöfnum á framfæri með því að senda tölvupóst á husavik@husavik.is Það er ekki nauðsynlegt að viðkomandi aðilar búi í sveitarfélaginu.   

Glaðir Völsungar með verðlaunabikara eftir heimkomu af frábæru N1 móti á Akureyri.  Sveitarstjóri, Bergur Elías Ágústsson mætti á æfingu hjá strákunum til að líta á viðurkenningarnar og samgleðjast hópnum.  Greinilegt er að efniviðurinn er mikill á Húsavík þannig að stóru strákarnir í meistaraflokki Völsungs þurfa að halda sér vel við efnið ef þeir eiga ekki að missa sætið sitt í liðinu í náinni framtíð.  

Nú hefur Orkuveita Húsavíkur hafið rafræna birtingu orkureikninga á netinu.  Viðskiptavinir OH geta því hér eftir séð orkureikninga í heimabanka sínum.  Útgefnir reikningar á árinu 2007 eru nú þegar birtir og hér eftir mun útgefinn reikningur birtast fyrir miðjan útgáfumánuð.  Ekki er tenging á milli reiknings og greiðsluseðils, enda einungis um birtingu reiknings að ræða. 

Krakkar á Leikskólanum Krílakoti á Kópaskeri fara einu sinni í mánuði á Bókasafn Öxarfjarðar. Í júlí var ákveðið að fara saman og fræðast um fuglalífið við Kotatjörnina. Á eftir var nesti drukkuð í góðu skjóli á tjaldsvæðinu á Kópaskeri.    

Auglýsing vegna úthlutunar byggðakvóta á fiskveiðiárinu 2006/2007 Fiskistofa auglýsir eftir umsóknum um úthlutun byggðakvóta til fiskiskipa fyrir eftirtalin byggðalög: Grundarfjarðarbær                   Fjarðabyggð Strandabyggð                         Norðurþing Grímseyjarhreppur                  Seyðisfjörður Vopnafjarðarhreppur

  Nýr vefstjóri hefur tekið við vefsíðum Norðurþings af Óskari Birgissyni.  Óskar hefur unnið að því að koma upp nýjum vefsíðum fyrir Norðurþing og stofnanir þess.  Nýi vefstjórinn heitir Daníel Borgþórsson og er Tölvu- og upplýsingatæknifræðingur frá HR.  Óskari eru þökkuð vel unnin störf um leið og við bjóðum Daníel velkominn til starfa.  Þeir sem þurfa að koma áleiðis ábendingum eða koma efni á vefsíður Norðurþings er bent á að hafa samband við Daníel á netfangið danielb@nordurthing.is

  Stöndum vörð um iðandi mannlíf og vandað umhverfi í miðbæ og á hafnarsvæði Á opnum sveitarstjórnarfundi þann 19. júní sl. kynntu ráðgjafar Alta greiningu sína á skipulagsmálum miðbæjar- og hafnarsvæðis Húsavíkur. Greiningarvinnan var fyrsta skrefið í skipulagsvinnu fyrir þessi svæði og byggir á samráðsfundum með hagsmunaaðilum og opnum íbúafundi, nú á vordögum.

Á fundi sveitarstjórnar þriðjudaginn 19. júní sl. var samþykkt stefnumótun Norðurþings vegna þátttöku í samstarfsverkefni Lýðheilsustöðvar sem nefnist "Allt hefur áhrif, einkum við sjálf".

 Upplýsingamiðstöðin á Húsavík hefur flutt sig um set frá Garðarsbraut 5 í  Garðarsbraut 7.  Opið er vika daga frá 9-18 og um helgar frá 10-17.  Í upplýsingamiðstöðinni er að finna mikið af upplýsinga- og kynningaritum um Ísland.  Einnig er hægt að fá ýmsar upplýsingar og fá sér kaffibolla.  Aðrar upplýsingamiðstöðvar í Norðurþingi eru í Gljúfrastofu í Ásbyrgi og á Hótel Norðurljós á Raufarhöfn.  Nánari upplýsingar