Fréttir

Félags- og skólaþjónusta Þingeyinga auglýsir eftir umsækjendum í eftirfarandi stöður: Forstöðumaður á heimili fatlaðra, Raðgjafi við félagsþjónustu og barnavernd, Leikskólaráðgjafi, Ráðgjafa, liðveitendur og stuðningsfjölskyldur Til að sjá auglýsingu í heild sinni, smellið á bláa textann

Mánudaginn 6. febrúar kl. 2000, kynnir eignarhaldsfélagið Fasteign hf. áætlanir um byggingu nýs leikskóla. Fundurinn er öllum opinn og verður haldinn á Fosshótel Húsavík. Sérstaklega er hvatt til að foreldrar leikskólabarna, starfsfólk leikskólanna og fulltrúar í skólanefnd, fjölskyldu- og þjónusturáði og bæjarstjórn mæti á fundinn.  Erla Sigurðardóttir, Framkvæmdastjóri Fjölskyldu- og þjónustusviðs Húsavíkurbæjar

Mozart sýningu sem vera átti í kvöld, 1. febrúar er frestað vegna veikinda. Næsta sýning verður þriðjudaginn 7. febrúar kl. 20:00 í sal Borgarhólsskóla

Tillaga að aðalskipulagi Húsavíkurbæjar 2005-2025 hefur verið kynnt í bæjarstjórn og einnig á almennum kynningarfundi 26. janúar 2006. Tillöguna, þ.e. skipulagsuppdrætti og kynningarefni er hægt að skoða undir tengli hér til hægri á síðunni en greinargerð með tillögunni mun verða birt fljótlega eftir helgi.

Spennandi verkefni á menningasviðinu.  Fjölskyldu- og þjónusturáð Húsavíkurbæjar auglýsir eftir framkvæmdaraðila/aðilum að sumartónleikum 2006. Tónleikarnir eru styrktir af Lista- og menningarsjóði Húsavíkurbæjar.  Frábært tækifæri fyrir hæfileikaríka einstaklinga.  Áhugasamir hafi samband við undirritaða. Umsóknum skal skila til á skrifstofu Húsavíkurbæjar fyrir 1. mars 2006.  Erla Sigurðardóttir Framkvæmdastjóri fjölskyldu- og þjónustusviðs Húsavíkurbæjar, s: 464 6123, tölvupóstur: erla@husavik.is  

Á fundi bæjarstjórnar Húsavíkur í gær var eftirfarandi ályktun samþykkt samhljóða: “Í ljósi þeirrar umræðu sem uppi er í fjölmiðlum varðandi uppbyggingu orkufreks iðnaðar, einkum álvera, vill bæjarstjórn Húsavíkurbæjar minna á og árétta þann vilja  stjórnvalda að næsta álver muni rísa á Norðurlandi. Um langt árabil hefur verið unnið að undirbúningi málsins, í samvinnu við stjórnvöld. Forsendur uppbyggingarinnar eru aðgengi að nærliggjandi orkuauðlindum á háhitasvæðum Þingeyjarsýslu. Um nauðsyn hennar með hliðsjón af byggðaþróun í landinu þarf ekki að fjölyrða. 

Almennur borgarafundur verður fimmtudaginn 26. janúar kl. 20,00 á Hótel Húsavík. Fulltrúar Tækniþings kynna tillögu að nýju aðalskipulagi fyrir Húsavíkurbæ 2005-2025. Að lokinni kynningu verða almennar umræður og fyrirspurnir. Allir velkomnir Bæjarstjórn Húsavíkurbæjar

Í gær gengu íbúar ofangreindra sveitarfélaga að kjörborðinu um tillögu sameiningarnefndar um sameiningu fjögurra sveitarfélaga í eitt.  Kjörsókn í gær var betri í þremur af fjórum sveitarfélögum sem nú hafa samþykkt sameiningu heldur en hún var í kosningunum 8. október sl. Í Raufarhafnarhreppi var kjörsókn heldur minni nú en í fyrstu umferð kosninganna, en munurinn er þó óverulegur eða 1,4%.  Í öllum sveitarfélögunum fjórum eru fleiri sem greiða atkvæði með sameiningu nú en í fyrstu umferð kosninganna.  Ef niðurstöðurnar eru skoðaðar út frá þeim sem afstöðu tóku í atkvæðagreiðslunum 8. október og 21. janúar kemur í ljós að stuðningur við sameiningu hefur vaxið.  

Vegna starfsdaga í Borgarhólsskóla 19. og 20. janúar n.k. verður sundlaugin opin fyrir almenning frá 6.45-21.00.  Forstöðumaður.

Á dögunum var dreift á öll heimili í Húsavíkurbæ, Kelduneshreppi, Öxarfjarðarhreppi og Raufarhafnarhreppi, kynningarbæklingi frá samstarfsnefnd um sameiningu þessara sveitarfélaga. Í bæklingnum reifa íbúar sjónarmið sín með og á móti sameiningu sveitarfélaganna og er umfjöllunin hin áhugaverðasta. Bæklinginn í heild sinni má nálgast með því að smella á tengilinn hér að neðan. Kynningarbæklingur

Kjörskrá fyrir Húsavíkurbæ vegna kosninga um sameiningu Húsavíkurbæjar, Kelduneshrepps, Öxarfjarðarhrepps og Raufarhafnarhrepps liggur frammi í stjórnsýsluhúsinu á opnunartíma.

Fjárhagsáætlun Húsavíkurbæjar fyrir 2006 og þriggja ára áætlun 2007-2009 var afgreidd við síðari umræðu í bæjarstjórn 20. desember s.l. Helstu stærðir áætlunarinnar eru að heildartekjur samstæðu Húsavíkurbæjar á árinu 2006 eru áætlaðar 1.439 mkr. Heildargjöld eru áætluð 1.535 mkr., en þar af eru reiknaðar afskriftir 138 mkr., reiknuð hækkun lífeyrisskuldbindinga 49 mkr. og reiknaðar verðbætur lána 63 mkr. Veltufé frá rekstri er því 102 mkr., en að mati fagaðila er sá mælikvarði betri á rekstrarhæfi sveitarfélaga en niðurstöður rekstraráætlunar sem hefur að geyma ýmsar reiknaðar stærðir.