Fréttir

Fjölskyldustefna Húsavíkurbæjar var samþykkt á fundi bæjarstjórnar 21. júní s.l. Stefnan hefur nú verið gefin út í bæklingi sem dreift verður á öll heimili í sveitarfélaginu í þessari viku en það er fimmti flokkur drengja í knattspyrnu sem annast dreifinguna. Það er von stjórnenda sveitarfélagsins að íbúar kynni sér fjölskyldustefnuna vel og noti hana sem grundvöll að uppbyggilegri umræðu um þjónustu sveitarfélagsins. Stefnunni er ætlað að vera sveitarfélaginu hvatning til að búa vel að fjölskyldum í sveitarfélaginu.

Á dögunum gerðu Þekkingarsetur Þingeyinga í samstarfi við Framhaldsskólann á Húsavík skoðanakönnun meðal íbúa þeirra sjö sveitarfélaga sem tillaga er gerð um að kjósi um sameiningu þann 8. október n.k. Niðurstöðurnar eru um margt áhugaverðar, en sérstaka athygli vekur almennt hátt hlutfall þeirra sem ekki hafa tekið afstöðu eða neita að svara.

Árni Magnússon, félagsmálaráðherra mun mæta á fundinn um sameiningarkosningarnar sem haldinn verður á Húsavík n.k. sunnudagskvöld kl. 20.30. Allir, sem vetlingi geta valdið, hvattir til að mæta.

Eins og flestum er kunnugt var á dögunum dreift á öll heimili í sveitarfélaginu málefnaskrá samstarfsnefndar um sameiningu Skútustaðahrepps, Aðaldælahrepps, Húsavíkurbæjar, Tjörneshrepps, Kelduneshrepps, Öxarfjarðarhrepps og Raufarhafnarhrepps.

Þann 15. september síðastliðinn var haldinn fundur í foreldraráði Borgarhólsskóla. Hér fyrir neðan er hnappur inn á fundargerðina. Fundargerð

Fréttatilkynning.  Leiðbeiningar fyrir erlenda ríkisborgara í tengslum við atkvæðagreiðslur um sameiningu sveitarfélaga á íslensku, ensku, pólsku og serbnesku/króatísku.  Kosningaréttur erlendra ríkisborgara í atkvæðagreiðslum um sameiningu sveitarfélaga þann 8. október næstkomandi. 

Á fundi bæjarstjórnar í gær var málefnaskrá samstarfsnefndar um sameiningu Skútustaðahrepps, Aðaldælahrepps, Húsavíkurbæjar, Tjörneshrepps, Kelduneshrepps, Öxarfjarðarhrepps og Raufarhafnarhrepps til umræðu.

Fjölskyldu- og þjónusturáð Húsavíkurbæjar auglýsir eftir umsóknum um styrki til lista- og menningarmála.  Styrkirnir eru veittir samkvæmt skipulagsskrá Lista- og menningarsjóðs Húsavíkurbæjar og reglum um úthlutun úr sjóðnum. 

Húsavíkurbær hefur ákveðið að ganga til samninga við Þekkingu hf. um heildarumsjón tölvumála Húsavíkurbæjar. Nokkur nýbreytni felst í fyrirkomulagi því sem fyrir valinu varð og eru aðilar með þessu að stíga stórt skref til hagræðingar þar sem þó er fyllsta öryggis og gæðasjónarmiða gætt.

Fyrsti fundur bæjarstjórnar að afloknu sumarleyfi verður þriðjudaginn 20. september n.k. og hefst kl. 16:00. Fundarstaður er Blái salurinn á Fosshótel Húsavík.

  Umhverfisráðherra hefur nú heimilað að heilsuvatnið af Húsavíkurhöfða verði sett óklórað í heitan pott við Sundlaug Húsavíkur og geta því Húsvíkingar og gestir þeirra notið lækningarmáttar vatnsins að fullu án óæskilegra áhrifa klórunar.

Nú er lokið vinnu við mótun nýrrar starfsmannastefnu hjá Húsavíkurbæ. Hefur stefnan verið kynnt starfsmönnum sveitarfélagsins. Meðfylgjandi mynd var tekin á kynningarfundi í Borgarhólsskóla og er sýnilegt að margir voru mjög áhugasamir.