Bæjarráð Norðurþings

Á fund bæjarráðs mættur fulltrúar Markaðstofu Norðurlands, Arnheiður Jóhannsdóttir og Gunnar Jóhannesson en þau fóru yfir og kynntu starfsemi skrifstofunnar. Kynnt voru verkefni, vinnusvæði og áherslur. Markmið og hlutverk er að taka þátt í og móta ímynd Norðurlands sem ferðamannasvæði. Aðstoða hagsmunaaðila, hvetja til nýsköpunar ásamt ráðgjöf og fleira svo eitthvað sé nefnt. Bæjarráð þakkar fulltrúum skrifstofunnar fyrir góða kynningu. Bæjarráð samþykkir að taka áfram þátt í verkefnum Markaðstofunnar og felur bæjarstjóra að ganga frá samningi á sambærilegum forsendum og gilt hefur til þessa.

Fyrir bæjarráði liggur fundargerð 810. fundar stjórnar Sambands íslenskra sveitarfélaga. Fundargerðin lögð fram til kynningar.

Bæjarráð samþykkir að fella út úr álagningargjaldskrá seyrulosunargjald á rotþrær. Framvegis verður gjald fyrir seyrulosun innheimt samkvæmt raunkostnaði. Öðrum liðum álagningarinnar er frestað til næsta fundar.

Fyrir bæjarráði liggur fundargerð 249. fundar stjórnar Eyþings. Fundargerðin lögð fram til kynningar.

Fyrir bæjarráði liggur ársreikningur Hótel Norðurljósa ehf. ásamt leigusamningi. Lagt fram til kynningar.

Fyrir bæjarráði liggur erindi til afgreiðslu frá Leigufélagi Hvamms ehf. Aðalfundur Leigufélagsins Hvamms ehf. samþykkt þann 18. septermber s.l. að auka hlutafé félagsins um 10 mkr. króna með innborgun á árinu 2013 á genginu 1. Hlutafjáraukningin skiptist hlutfallslega í samræmi við eignarhald sveitarfélaganna og verði að fullu greidd til félagsins fyrir lok árs 2013. Bæjarráð samþykkir beiðni félagsins um hlutafjáraukningu.

Fyrir bæjarráði liggur til afgreiðslu 3ja ára fjárhagsáætlun Norðurþings fyrir árin 2015 - 2017. Lagt fram til kynningar.

Fyrir bæjarráði liggur til afgreiðslu fjárhagsáætlun samstæðu Norðurþings fyrir árið 2014. Lagt fram til kynningar.