Byggðarráð Norðurþings

Grímur Kárason, slökkviliðsstjóri kemur á fund byggðarráðs og gerir grein fyrir samkomulagi slökkviliðsins og Heilbrigðisstofnunar Norðurlands um tilhögun sjúkraflutninga fyrir stofnunina á Húsavík.

Fyrir byggðarráði liggur erindi frá Bjarna Þór Björgvinssyni um lækkun gatnagerðargjalda úr 12,0% í 9,0% vegna lóðarinnar að Hraunholti 32 á grundvelli endurskoðunar á samþykkt um gatnagerðargjald, stofngjald holræsa, byggingarleyfisgjald o.fl. á 87. fundi sveitarstjórnar Norðurþings þann 13. desember 2018.

Fyrir byggðarráði liggur yfirlit yfir rekstur málaflokka fyrstu þrjá mánuði ársins og þróun útsvarstekna það sem af er ári.

Í fjárhagsáætlun Norðurþings fyrir árið 2019 er gert ráð fyrir að framlög til stjórnmálasamtaka skv. lögum nr. 162/2006 verði kr. 400.000, gert er ráð fyrir að framlagið verði greitt út í einu lagi í maímánuði. Sjá nánar: https://www.althingi.is/lagas/nuna/2006162.html

Borist hefur bréf frá Samgöngu- og sveitarstjórnarráðuneytinu þar sem gerð er grein fyrir frumkvæðisathugun ráðuneytisins á grundvelli XI. kafla sveitarstjórnarlaga á því hvort og þá hvernig staðið hefði verið að breytingum á fjárhagsáætlunum sveitarfélaga þar sem misræmi í rekstri og fjárfestingum milli fjárhagsáætlana og ársreikninga árið 2016 nam 5% eða meira. Bréfið er sent öllum sveitarfélögum til að kynna niðurstöðuna og hvetja þau til að gæta þess að fjármálastjórn sé ávallt í fullu samræmi við ákvæði sveitarstjórnarlaga og reglugerðar um bókhald, fjárhagsáætlanir og ársreikninga sveitarfélaga nr. 1212/2015. Ráðuneytið hyggst haustið 2020 gera að nýju könnun á framkvæmd sveitarfélaga að þessu leyti, vegna fjárhagsáætlana og ársreikninga ársins 2019.

Fyrir byggðarráði liggur beiðni Sjómannadagsráðs Húsavíkur um styrk vegna hátíðarhalda á sjómannadaginn.

Fyrir byggðarráði liggja drög að atvinnustefnu fyrir Vatnajökulsþjóðgarð og er óskað eftir skriflegum ábendingum og athugasemdum við stefnuna.

Boðað er til aðalfundar Orkuveitu Húsavíkur þriðjudaginn 30. apríl kl. 14:00.

Boðað er til aðalfundar Skúlagarðs-fasteignafélags ehf. fimmtudaginn 9. maí 2019 kl. 17:00 í Skúlagarði.

Boðað er til aðalfundar Stapa lífeyrsisjóðs í Menningarhúsinu Hofi á Akureyri miðvikudaginn 8. maí n.k. kl. 14:00.

Boðað er til aðalfundar Markaðsstofu Norðurlands þriðjudaginn 7. maí 2019 kl. 10-12 á Fosshótel Húsavík.

Boðað er til aðalfundar Greiðrar leiðar ehf. þriðjudaginn 30. apríl.

Borist hefur boð frá sveitarfélaginu Karlskoga í Svíþjóð á vinabæjafund dagana 16. - 18. september 2019 í tilefni af því að 100 ár eru frá því að sveitarstjórn Karlskoga kom fyrst saman. Til fundarins er boðið sveitarstjóra, forseta sveitarstjórnar og einum fulltrúa til viðbótar.

Fyrir byggðarráði liggur fundargerð 870. fundar stjórnar Sambands íslenskra sveitarfélagar frá 11. apríl s.l.

Utanríkismálanefnd Alþingis óskar eftir umsögn um tillögu til þingsályktunar um ákvörðun sameiginlegu EES-nefndarinnar, nr. 93/2017, um breytingu á IV. viðauka (Orka) við EES-samninginn (þriðji orkupakkinn), 777. mál.
Þess er óskað að undirrituð umsögn berist eigi síðar en 29. apríl n.k.

Atvinnuveganefnd Alþingis óskar eftir umsögn um frumvarp til laga um veitingastaði, gististaði og skemmtanahald (stjórnvaldssektir og eftirlit með gististarfsemi), 784. mál.
Þess er óskað að undirrituð umsögn berist eigi síðar en 2. maí n.k.

Umhverfis- og samgöngunefnd Alþingis óskar eftir umsögn um frumvarp til laga um Þjóðgarðastofnun og þjóðgarða, 778. mál.
Þess er óskað að undirrituð umsögn berist eigi síðar en 9. maí n.k.

Atvinnuveganefnd Alþingis óskar eftir umsögn um tillögu til þingsályktunar um breytingu á þingsályktun nr. 26/148, um stefnu stjórnvalda um uppbyggingu flutningskerfis raforku, 791. mál. Þess er óskað að undirrituð umsögn berist eigi síðar en 2. maí n.k.

Atvinnuveganefnd Alþingis óskar eftir umsögn um frumvarp til laga um breytingu á raforkulög8um og lögum um Orkustofnun (EES-reglur, viðurlagaákvæði), 782. mál
Þess er óskað að undirrituð umsögn berist eigi síðar en 2. maí nk

Atvinnuveganefnd Alþingis óskar eftir umsögn frumvarp til laga um breytingu á raforkulögum (tilvísun í stefnu stjórnvalda um uppbygginguflutningskerfis raforku), 792. mál. Þess er óskað að undirrituð umsögn berist eigi síðar en 2. maí nk

Umhverfis- og samgöngunefnd Alþingis óskar eftir umsögn um frumvarp til laga um mat á umhverfisáhrifum (EES-reglur, stjórnvaldssektir o.fl.), 775. mál. Þess er óskað að undirrituð umsögn berist eigi síðar en 26. apríl.