Byggðarráð Norðurþings

Lagt er til að Kolbrún Ada Gunnarsdóttir verði varamaður fyrir Óla Halldórsson í byggðarráði í stað Berglindar Hauksdóttur.

Tilboðsfrestur er runninn út fyrir íbúð Norðurþings að Garðarsbraut 73. Tvö tilboð bárust í eignina.

Eignarhaldsfélag Brunabótafélags Íslands hefur sent til aðildarsveitarfélaganna fundarboð á aðalfund félagsins.

Skv. 10.gr laga 68/1994 skal kalla saman aðalfund fulltrúaráðs EBÍ fjórða hvert ár, næsta ár á eftir reglulegum sveitarstjórnarkosningum.

Í samræmi við ofangreint hefur stjórn EBÍ ákveðið að aðalfundur fulltrúaráðs EBÍ verði haldinn föstudaginn 20. september n.k. á Hótel Natura.

Kjörnum fulltrúum sveitarfélagsins hefur verið sent fundarboð.

Í umboði sveitarstjórnar hefur byggðarráð til umfjöllunar staðfestingu á ráðningu hafnarstjóra Norðurþings. Á 36. fundi skipulags- og framkvæmdaráðs var eftirfarandi bókað:

"Fyrir liggur tillaga sem var lögð fram í byggðarráði af fjármálastjóra í fjarveru sveitarstjóra um ráðningu á Þóri Erni Gunnarssyni í stöðu hafnastjóra Norðurþings.
Skipulags- og framkvæmdaráð tekur undir tillögu fjármálastjóra samkvæmt fyrirliggjandi gögnum.
Heiðar Hrafn Halldórsson vék af fundi undir þessum lið."

Fyrir byggðarráði liggur fundarboð á aðalfund Fjallalambs hf árið 2019. Fer fundurinn fram sunnudaginn 30. júní kl 15:00 á Svalbarði, Þistilfirði.

Á fundi sveitarstjórnar 19. mars s.l. samþykkti sveitarstjórn Norðurþings að kynna tillögu að breytingu aðalskipulags Norðurþings 2010-2030 vegna fyrirhugaðrar hótellóðar við Vitaslóð á Húsavíkurhöfða. Með bréfi dags. 14. maí 2019 heimilaði Skipulagsstofnun auglýsingu tillögunnar að því tilskyldu að hún yrði lagfærð í tilteknum atriðum. Nú hefur skipulagsráðgjafi lagfært skipulagstillöguna til samræmis við ábendingar Skipulagsstofnunar.

Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að skipulagstillagan verði auglýst skv. 31. gr. skipulagslaga með áorðnum breytingum.

Á fundi sveitarstjórnar 19. mars s.l. samþykkti sveitarstjórn Norðurþings að kynna tillögu að breyttu deiliskipulagi við Vitaslóð á Húsavíkurhöfða. Með bréfi dags. 14. maí 2019 komu fram nokkrar ábendingar frá Skipulagsstofnun um lagfæringar skipulagstillögunnar fyrir auglýsingu. Nú hefur skipulagsráðgjafi lagfært skipulagstillöguna til samræmis við ábendingar Skipulagsstofnunar.

Skipulags- og framkvæmdaráð leggur til við byggðaráð, í sumarleyfisumboði sveitarstjórnar, að skipulagstillagan verði auglýst skv. 43. gr. skipulagslaga með áorðnum breytingum samhliða kynningu aðalskipulagsbreytingar.

Fyrir liggja drög að viðaukasamningi um heildarendurskoðun aðalskipulags Norðurþings 2010-2030. Viðaukasamningurinn snýr að gerð skipulagslýsingar vegna verkefnissins. Einnig liggur fyrir uppfært mat á heildarkostnaði við endurskoðun skipulagsins.

Skipulags- og framkvæmdaráð leggur til við byggðaráð að hafist verði handa við endurskoðun aðalskipulags Norðurþings og að gengið verði til samninga við Alta um gerð skipulagslýsingar.

Fyrir byggðarráði liggur til kynningar fundargerð 36. fundar skipulags- og framkvæmdaráðs.

Fyrir byggðarráði liggur til kynningar fundargerð 37. fundar fjölskylduráðs.