Heildarendurskoðun aðalskipulags Norðurþings 2010-2030

Skipulags- og framkvæmdaráð telur að tilefni sé til að endurskoða aðalskipulag Norðurþings 2010-2030. Þar kemur til að þegar er búið að gera allmargar minniháttar breytingar á aðalskipulaginu á undanförnum árum, en einnig telur ráðið að tilefni sé til að móta skýrari stefnu á nokkrum sviðum í aðalskipulagi.

Skipulags- og framkvæmdaráð felur skipulags- og byggingarfulltrúa að afla tilboðs í verkið.

Skipulags- og framkvæmdaráð þakkar Árna kynningu á hugmyndum. Stefnt er að frekari umfjöllun á næstu fundum svo að gera megi kostnaðarmat.

Ræddar voru hugmyndir að helstu áhersluliðum við endurskoðun skipulagsins. Ráðið telur að fyrirliggjandi verkefnistillaga ráðgjafa innifeli a.m.k. flesta þá þætti sem ráðið telur tilefni til að endurskoða í nýju aðalskipulagi.

Skipulags- og framkvæmdaráð leggur til við sveitarstjórn að farið verði í endurskoðun aðalskipulags miðað við fyrirliggjandi verkefnistillögu. Til þess að svo megi verða telur ráðið að þurfi 9 milljónir í aukafjárveitingu á fjárhagsárinu 2019.

Til máls tóku: Bergur, Hjálmar, Guðbjartur, Kristján og Óli.

Guðbjartur leggur fram eftirfarandi tillögu:
Í ljósi þess að vinna við fjárhagsáætlun sveitarfélagsins fyrir árið 2019 er enn í gangi og ekki liggur fyrir fullmótaðir útgjaldarammar málaflokka leggjum við til að fresta afgreiðslu málsins og vinna tillöguna inn í endanlega fjárhagsáætlun sem lögð verður fyrir sveitarstjórn við síðari umræðu.

Tillaga Guðbjarts er felld með atkvæðum Benónýs, Heiðbjartar, Helenu, Kristjáns og Óla.
Bergur, Guðbjartur, Hjálmar og Hrund greiddu atkvæði með tillögunni.


Sveitarstjórn samþykkir tillögu skipulags- og framkvæmdaráðs með atkvæðum Benónýs, Heiðbjartar, Helenu, Hjálmars, Hrundar, Kristjáns og Óla.
Bergur og Guðbjartur sátu hjá.

Skipulags- og framkvæmdaráð felur skipulags- og byggingarfulltrúa að hefja forsendugreiningu og gerð skipulagslýsingar vegna endurskoðunar aðalskipulags til samræmis við framlögð gögn á fundinum.

Skipulags- og framkvæmdaráð leggur til við byggðaráð að hafist verði handa við endurskoðun aðalskipulags Norðurþings og að gengið verði til samninga við Alta um gerð skipulagslýsingar.

Byggðarráð samþykkir fyrirliggjandi tillögu.