Skipulags- og framkvæmdaráð

Skv. 35. gr. skipulagslaga nr. 123/2010 skal sveitarstjórn meta hvort tilefni sé til að fara í endurskoðun gildandi aðalskipulags.

Fyrir liggja frumdrög að deiliskipulagi fiskeldis í Núpsmýri.

Óskað er eftir leyfi til að setja upp frístandandi skilti, 1x1,5 m² að stærð á hafnarsvæðinu. Einnig er óskað eftir leyfi til að setja allt að 4 m² veggskilti á suðurvegg verbúða (Hafnarstétt 17). Fyrir liggur frumhugmynd að skilti á verbúðarvegg.

Óskað er umsagnar um rekstrarleyfi til sölu gistingar fyrir allt að fjóra í Hraunbrún í Kelduhverfi.

PCC BakkiSilicon hefur óskað eftir því við Norðurþing að samningur vegna lóðarinnar að Dvergabakka 4 verði framlengdur um 3 ár. Beiðni PCC er að halda eftir tveimur skálum vestast á þeirri lóð tímabundið til ársloka 2021. Nú þegar hefur verið veitt leyfi fyrir því að annar skálinn fái að standa áfram á lóðinni. Fyrir liggur samningur milli félagsins og Norðurþings um afnot lóða við Dvergabakka undir vinnubúðir og er þess óskað að hann verði uppfærður til að heimila áframhaldandi leyfi fyrir umræddum tveimur gistiskálum á lóðinni að Dvergabakka 4 en öðrum lóðum við Dvergabakka verði skilað til sveitarfélagsins um næstu áramót. Fyrir liggja drög að viðbótarsamningi vegna framlengingar leigu á Dvergabakka 4 og skila á öðrum lóðum.

Fjölskylduráð leggur til að keyptir verði tveir 100 m2 ærslabelgir í Norðurþing og settir á lóð Borgarhólsskóla og á Kópaskeri. Hverfisráði Öxarfjarðar falið að ákveða staðsetningu á Kópaskeri. Einnig er áhugi á því að kaupa þriðja ærslabelginn og staðsetja á Raufarhöfn á næsta ári og hverfisráði Raufarhafnar falið að ákveða staðsetningu. Málinu vísað til skipulags- og framkvæmdaráðs Norðurþings.

Að höfðu samráði við garðyrkjustjóra sveitarfélagsins, hefur verið heimiluð uppsetning beitarhólfa í nágrenni Skálatjarnar í landi Norðurþings.
Um er að ræða verkefni sem snýr að því að kanna áhrif beitar sauðfjár á lúpínu í því markmiði að hefta útbreiðslu hennar.
Beitarhólfin verða staðsett í samráði við garðyrkjustjóra.

Á 256. fundi byggðarráðs var eftirfarandi bókað;
Byggðaráð vísar erindinu aftur til skipulags- og framkvæmdaráðs. Óskað er eftir að tillaga verði unnin að uppfærðri framkvæmda- og viðhaldsáætlun og áhrif umræddra malbikunarframkvæmda útlistuð í henni.

Eftirfarandi bókun er frá fundi framkvæmdanefndar þann 12.02.2018.
Framkvæmdanefnd samþykkir að framkvæmdum við uppbyggingu Reykjaheiðarvegar verði frestað þar til niðurstaða í skaðabótakröfu á hendur OH liggur fyrir. Undirbúningi vegna fyrirhugaðra framkvæmda við Reykjaheiðarveg verður þó haldið áfram.

Það er mikilvægt öllum samfélögum að íbúar og ferðamenn hafi aðgang að ruslatunnum í almannarými. Skoða þarf hvort bæta þurfi aðgang að þeim og hvort vænlegt sé að fara í ruslatunnur sem bjóða upp á flokkun.

Fyrir liggur erindi frá íbúum að Uppsalavegi 21 um uppsetningu hraðahindrunar í götunni.

Fyrir liggur erindi frá íbúum að Lyngholti 10 vegna gangstéttagerðar í götunni.

Kynnt var niðurstaða jafnlaunakönnunar samkvæmt tilvísun frá fjölskylduráði. Samkvæmt könnuninni er ekki marktækur munur á dagvinnulaunum karla og kvenna hjá Norðurþingi sem er gleðiefni. Hinsvegar er 8,8% marktækur munur á heildarlaunum kynja þegar horft er til sambærilegra starfa.