Jafnlaunakönnun fyrir Norðurþing

Byggðarráð vísar erindinu til afgreiðslu í félagsmálanefnd.

Félagsmálanefnd samþykkir fyrirliggjandi tilboð frá RHA um að láta gera greiningu á launum starfsmanna Norðurþings ásamt mati á því hvort til staðar sé kynbundinn launamunur.

Félagsmálastjóri fór yfir stöðuna og bíður niðurstaðna frá Háskólanum á Akureyri.

Í nýútkominni skýrslu RHA um launakönnun starfsmanna Norðurþings sem framkvæmd var í október 2017 kemur fram að um kynbundinn launamun er að ræða meðal starfsmanna Norðurþings. Ráðið vísar málinu til umfjöllunar í skipulags- og framkvæmdaráði og Byggðarráði.
Fjölskylduráð leggur til að markvisst verði unnið að því að leiðrétta kynbundinn launamun hjá Norðurþingi.

Fyrir liggur niðurstaða jafnlaunakönnuar sem unnin var af RHA fyrir Norðurþing. Greiningin sýnir að ekki sé um kynbundinn launamun á dagvinnulaunum að ræða hjá sveitarfélaginu þegar búið er að taka tillit til starfs, ábyrgðar, aldurs, starfsaldurs og vaktavinnu. Að því leyti sé ekki um kynbundinn launamun að ræða hjá Norðurþingi. Hins vegar kemur fram í greiningunni að þegar ekki er búið að leiðrétta m.t.t. ofangreindra þátta (starf, ábyrgð, aldur, starfsaldur, vaktavinna) eru tekjur karla töluvert hærri. Einnig reynist marktækur kyndbundinn munur á heildarlaunum og talsverður munur á álags- og yfirvinnugreiðslum eftir kyni.
Sveitarstjóra er falið að vinna úr niðurstöðunum og leggja fram tillögur til úrbóta þar sem skýrslan gefur tilefni til slíks, fyrir upphaf fjárhagsáætlunargerðar fyrir árið 2019.

Skipulags- og framkvæmdaráð hvetur sveitarstjórn til að taka mark á niðurstöðum þessarar könnunar og fá Jafnréttisstofu til samráðs varðandi aðgerðaáætlun til að leiðrétta mun á heildarlaunum karla og kvenna.