Byggðarráð Norðurþings
Dagskrá
Undir lið nr. 1 og 2, sat fundinn Nanna Steina Höskuldsdóttir verkefnastjóri.
1.Fjarvinnslurými á Raufarhöfn
202309010
Fyrir byggðarráði liggur minnisblað frá verkefnisstjóra atvinnu og samfélagsþróunar á Raufarhöfn vegna hugmynda um bætta aðstöðu í Aðalbraut 23, m.a. fyrir fjarvinnsluverkefni.
Nanna Steina Höskuldsdóttir, verkefnastjóri situr fundinn undir þessum lið.
Nanna Steina Höskuldsdóttir, verkefnastjóri situr fundinn undir þessum lið.
Byggðarráð þakkar Nönnu Steinu fyrir komuna á fundinn og greinargóða kynningu á hugmyndum um bætta aðstöðu að Aðalbraut 23 á Raufarhöfn. Ráðið felur sveitarstjóra að fá kostnaðarmat á verkefnið og leggja fyrir ráðið að nýju.
2.Heimskautsgerðið, staða framkvæmda og næstu skref.
202309011
Fyrir byggðarráði liggur minnisblað verkefnisstjóra atvinnu og samfélagsþróunar á Raufarhöfn vegna framkvæmda í Heimskautsgerðinu og framtíðarfyrirkomulag.
Nanna Steina Höskuldsdóttir, verkefnastjóri situr fundinn undir þessum lið.
Nanna Steina Höskuldsdóttir, verkefnastjóri situr fundinn undir þessum lið.
Byggðarráð þakkar Nönnu Steinu fyrir komuna á fundinn og góða yfirferð á stöðu framkvæmda og hver séu næstu skref við Heimskautsgerðið.
3.Áætlanir vegna ársins 2024
202306019
Fyrir byggðarráði liggur minnisblað frá Sambandi íslenskra sveitarfélaga um forsendur fjárhagsáætlana sveitarfélaga 2024-2027.
Fjármálastjóri fór yfir minnisblað frá Sambandi íslenskra sveitarfélaga um forsendur fjárhagsáætlana sveitarfélaga 2024-2027.
4.Rekstur Norðurþings 2023
202212086
Fyrir byggðarráði liggja útsvarstekjur í ágúst 2023 og fleira tengt rekstri sveitarfélagsins.
Fjármálastjóri fór yfir útsvarstekjur og lykiltölur í rekstri sveitarfélagsins.
5.Stýrihópur Grænn iðngarður á Bakka
202302026
Fyrir byggðarráði liggur kynning á vinnu stýrihópsins á síðustu vikum og upplýsingar frá 5. stöðufundi stýrihópsins sem var haldinn í fjarfundi 5. september sl.
Sveitarstjóri fór yfir stöðu á vinnu stýrihópsins á síðustu vikum.
6.Jafnlaunastefna Norðurþings
202308031
Fyrir byggðarráði liggur jafnlaunastefna Norðurþings, endurskoðuð m.v. þær kröfur sem fylgja jafnlaunavottun í dag.
Byggðarráð samþykkir fyrirliggjandi jafnlaunastefnu Norðurþings og vísar henni til staðfestingar í sveitarstjórn.
7.Beiðni um framlag til starfsemi Stígamóta árið 2024
202309008
Fyrir byggðarráði liggur erindi um fjárstuðning og samstarf um rekstur.
Byggðarráð samþykkir að veita Stígamótum styrk að upphæð 100 þ.kr vegna ársins 2024.
8.Tilmæli vegna samkeppnisaðstæðna á flutningamarkaði
202309014
Fyrir byggðarráði liggur erindi frá Samkeppniseftirlitinu þar sem mælst til þess að ráðist verði í aðgerðir til að draga úr samkeppnishindrunum á flutningamarkaði, skapa aðhald og efla með því samkeppni.
Með álitinu er beint tilmælum til innviðaráðherra, Faxaflóahafna, Reykjavíkurborgar og annarra sveitarfélaga, um aðgerðir sem m.a. eru til þess fallnar að hafa jákvæð áhrif á vöruverð á fjölmörgum sviðum, almenningi og fyrirtækjum til hagsbóta.
Með álitinu er beint tilmælum til innviðaráðherra, Faxaflóahafna, Reykjavíkurborgar og annarra sveitarfélaga, um aðgerðir sem m.a. eru til þess fallnar að hafa jákvæð áhrif á vöruverð á fjölmörgum sviðum, almenningi og fyrirtækjum til hagsbóta.
Lagt fram til kynningar í byggðarráði og vísað til umræðu í hafnastjórn.
Fundi slitið - kl. 10:05.
